Deterononm 9:26 - Labib An Kreol Seselwa

²⁶ Mon ti priy SENYER. Mon ti dir li: Senyer BONDYE, pa detri sa pep ki, dan ou grander, ou'n sove, ki par ou pwisans, ou'n fer sorti Lezip.

Deterononm 9:26 Referans Kwoze

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Zeremi 14:21

Akoz ou promes, pa mepriz nou. Pa anmenn dezoner lo Zerizalenm, la kot tronn ou laglwar i'n ganny etabli. Pa kas sa lalyans ki ou ti fer avek nou.

Psonm 107:2

Repete, zot tou, ki SENYER in delivre, zot ki i'n aras dan lanmen lennmi,

Egzod 15:13

Dan ou fidelite, ou ti kondwir sa pep ki ou ti sove. Par ou lafors, ou ti gid zot ver ou demer sen.

Ebre 9:12

I'n antre en fwa pour tou dan sanktyer, non pa avek disan bouk ek toro, me avek son prop disan, pour fer nou ganny delivre pour touzour.

Mise 6:4

Mon'n fer ou monte sorti Lezip. Mon'n delivre ou dan lesklavaz. Mon'n donn ou koman sef Moiz, Aaron ek Mirianm.

Ezai 63:19

Depi lontan nou'n vin sa bann ki ou nepli gouvernen, sa pep ki pa ganny apele par ou non.

Ezai 44:23

Lesyel sant bann kantik lazwa akoz SENYER in azir. Profonder later! Fer monte ou lazwa. Bann montanny! Fer tande zot selebrasyon; lafore osi avek tou ou bann pye dibwa: SENYER in sov Zakob; i'n montre son laglwar dan Izrael. Akoz SENYER i'n sov Zakob e in manifeste son laglwar dan Izrael.

Psonm 106:23

I ti deside alor, pour detri zot. Me Moiz ki i ti'n swazir, ti entervenir devan li pour ki dan son lakoler, i pa detri zot.

Psonm 99:6

Moiz ek Aaron ti parmi son bann pret. Samyel osi ti parmi bann ki ti envok son non.

Psonm 77:15

Par ou lafors, ou'n sov ou pep, bann desandan Zakob ek Zozef.

Nehemi 1:10

Sa pep i ou bann serviter e ou pep ki ou'n delivre par ou pwisans e par lafors ou lanmen.

1 Rwa 8:51

Annefe, zot ou pep, e ou posesyon ki ou'n fer sorti Lezip, dan sa four kot feray i fonn.

2 Samyel 7:23

Lekel nasyon lo later ki parey Izrael, ou pep, ki bann bondye in sove pour fer en pep pour zot, e donn li en non? Ou'n akonpli bann mervey pour zot; ou'n akonpli bann keksoz terib pour ou pei devan ou pep ki ou ti fer sorti Lezip; ou'n liber li avek bann nasyon ek zot bann bondye pour fer li vin ou pep.

Deterononm 32:9

SENYER ti swazir son pep koman son par, desandan Zakob pour son patrimwann.

Deterononm 21:8

SENYER! Pardonn ou pep Izrael ki ou'n delivre; pa rann Izrael responsab disan en inosan. Apre, zot ava ganny pardonnen pour sa disan ki'n ganny verse.

Deterononm 15:15

Pa oubliye ki ou osi, ou ti lesklav Lezip e ki SENYER, ou Bondye ti sov ou. Pour sa rezon ki mon pe donn ou ozordi sa komannman.

Deterononm 13:5

Sa bann profet oubyen vizyoner ava ganny touye akoz par zot bann parol, zot in pres revolt kont SENYER, ou Bondye ki ti tir ou dan pei Lezip e sov ou dan lesklavaz. Zot ti oule detourn ou lo semen ki SENYER, ou Bondye ti'n ordonn ou pour swiv. Ou devre fer disparet sa mal parmi zot.

Deterononm 9:29

Pa oubliye ki sa pep i pour ou e ki ou ki ti fer li sorti Lezip, par ou pwisans ek ou lafors.

Deterononm 7:8

Sa ti akoz SENYER in kontan ou. Akoz in gard serman ki i ti fer avek ou bann zanset, ki SENYER, par son pwisans, ti tir ou e sov ou dan lesklavaz, dan lanmen Faraon, lerwa Lezip.

Egzod 34:9

I ti dir, “SENYER! Si vreman mon'n ganny ou faver, mon sipliy ou pour mars avek nou, akoz latet sa pep i dir. Ou pou pardonn nou, nou fot ek nou pese e aksepte nou koman ou posesyon.”

Egzod 33:13

Alor SENYER, si mon'n resevwar ou faver, montre mwan ou semen, pour ki mon ava konn ou e resevwar ou faver. Pa oubliye ki sa nasyon i ou pep.”

Deterononm 9:27

Mazin ou bann serviter Abrahanm, Izaak ek Zakob. Pa fer atansyon lantetman sa pep, son mesanste ek son bann pese,

1 Samyel 7:9

Samyel ti pran en pti mouton ki ti ankor pe tete, e ofer koman sakrifis konplet devan SENYER. Samyel ti enplor SENYER pour pep Izrael, e SENYER ti reponn.

1 Rwa 8:53

SENYER Bondye! Ou ki'n separ nou avek bann nasyon lo later, pour ki nou vin ou patrimwann, parey ou ti deklare avek Moiz, ou serviter ler ou ti fer nou bann zanset sorti Lezip.

Psonm 78:35

Zot ti rapel ki Bondye i zot Ros protekter, Bondye Treo ti zot Sover.

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Lamantasyon 2:20

SENYER! Lev ou lizye. Gete! Lekel ki ou'n tret konmsa? Eski bann manman i kapab manz zot prop zanfan, zanfan ki zot in kontan? Eski fodre ki bann pret ek bann profet zot ganny touye dan sanktyer SENYER?

Deterononm 9:12

Apre, SENYER ti dir mwan: Leve! Desann vit akoz ou pep ki ou'n fer sorti Lezip in vin koronpi. Zot in vit sorti lo semen kot mon ti'n ordonn zot marse. Zot in fer en stati an metal ki zot in fonn pour zot menm.

Psonm 28:9

Sov ou pep SENYER! Beni ou pep. Vin son berze! Vey lo li pour touzour.

Psonm 57:1

Pran pitye pour mwan, mon Bondye! Pran pitye pour mwan. Ou mon protekter. Mon vin rod proteksyon anba ou lezel, ziska ki bann dezas i pase.