Deterononm 9:25 - Labib An Kreol Seselwa

²⁵ Pandan sa 40 zour ek 40 nwit, mon ti reste prosternen devan SENYER, akoz SENYER ti oule detri zot.

Deterononm 9:25 Referans Kwoze

Deterononm 9:18

Mon ti reste prosternen devan SENYER parey avan, pandan 40 zour ek 40 nwit san manze ni bwar, akoz zot bann pese. Zot ti'n komet sa ki mal devan SENYER e fer li ankoler.

Deterononm 9:16

Alor, mon ti war ki vreman, zot ti'n fer pese kont SENYER, zot Bondye, akoz zot ti'n fer fonn metal pour fer en zenn bef annor pour zot. Zot pa ti tarde pour kit semen ki SENYER ti'n ordonn zot swiv.

Psonm 106:23

I ti deside alor, pour detri zot. Me Moiz ki i ti'n swazir, ti entervenir devan li pour ki dan son lakoler, i pa detri zot.

Egzod 34:28

Moiz ti reste avek SENYER pandan 40 zour, 40 nwit san manze, ni bwar. I ti ekri lo bann plak ros, bann parol lalyans: Dis komannman.