Deterononm 8:6 - Labib An Kreol Seselwa

⁶ Alor, obzerv bann komannman SENYER, ou Bondye. Mars parey i oule e dan respe anver li.

Deterononm 8:6 Referans Kwoze

Deterononm 5:33

Zot ava mars dan semen ki SENYER, zot Bondye in trase pour zot. Konmsa, zot ava reste vivan e viv lontan; zot ava ere dan pei ki zot pe al pran posesyon.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Psonm 128:1

Byennere sa enn ki annan respe pour SENYER, ki swiv semen ki SENYER i'n trase!

2 Kronik 6:31

La alor, zot ava respe ou e obei ou tou letan ki zot reste dan sa pei ki ou'n donn nou bann zanset.

1 Samyel 12:24

Annan respe pour SENYER e servi li senserman avek tou zot leker. Pran kont tou sa bann gran mervey ki i'n fer avek zot.

Egzod 18:20

Ansenny zot bann regleman ek bann lalwa; fer zot konn semen ki zot bezwen swiv, e sa ki zot devre fer.

Deterononm 8:5

Rekonnet alor dan ou leker, ki, parey en paran i disiplin son zanfan, SENYER, ou Bondye i disiplin ou.

Deterononm 8:7

SENYER, ou Bondye pe fer ou antre dan en bon pei, en pei kot i annan bann larivyer, bann sours delo ek bann sours souteren ki vin koul dan bann vale e dan bann kolin.

Deterononm 5:29

Si selman zot ti annan sa menm leker pour annan respe pour mwan e touzour obeir tou mon bann komannman! Alor, zot ti ava ere pour touzour, zot, ek zot bann zanfan.