Deterononm 7:9 - Labib An Kreol Seselwa

⁹ Aprezan, rekonnet: SENYER, ou Bondye i sel Bondye. Li menm sa vre Bondye fidel dan son lalyans avek sa bann ki kontan li e ki gard son komannman, ziska mil zenerasyon.

Deterononm 7:9 Referans Kwoze

Ebre 10:23

Annou tenir ferm nou lesperans, akoz sa enn ki'n fer sa promes i fidel.

2 Timote 2:13

Si nou pa fidel, li i pou reste fidel, akoz i pa kapab kontredir son prop lekor.

2 Tesalonisyen 3:3

Me Senyer i fidel. I pou fortifye zot e prezerv zot kont sa enn ki move.

Danyel 9:4

Mon ti priy SENYER, mon Bondye, e mon ti fer sa konfesyon: Senyer, Bondye gran e terib! Ou ki gard ou lalyans ek ou fidelite anver bann ki kontan ou e ki gard ou bann komannman!

1 Korentyen 1:9

Bondye i fidel dan son promes; li menm sa Bondye ki'n apel zot pour viv dan lakominyon avek son Garson Zezi-Kri, nou Senyer.

Nehemi 1:5

Mon ti dir, “SENYER, Bondye ki dan lesyel, Bondye gran e terib! Ou gard ou lalyans e ou fidel anver tou bann ki kontan ou e ki gard ou bann komannman.

1 Tesalonisyen 5:24

Sa enn ki'n apel zot, i fidel: I pou fer li.

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

Deterononm 5:10

Me mon montre mon fidelite ziska mil zenerasyon, anver sa bann ki kontan mwan e ki gard mon bann komannman.

1 Zan 1:9

Si nou konfes nou pese, Bondye ki fidel e zis, pou pardonn nou nou pese e pirifye nou kont tou lenzistis.

Ezai 49:7

La sa ki SENYER i deklare, Sover Izrael, son Bondye ki Sen, avek sa enn ki ganny meprize, deteste par bann nasyon, lesklav bann dirizan: Ler bann lerwa ava war ou, zot ava debout e bann sef ava prosternen lafas ater. Sa pou arive akoz SENYER i fidel e Sen Izrael, in swazir ou.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

2 Korentyen 1:18

Bondye i temwen: Sa ki mon'n anons zot i pa wi ek non.

Egzod 20:6

Me mon pou montre mon fidelite ziska mil zenerasyon, anver bann ki kontan mwan e ki gard mon bann komannman.

Zenez 17:7

“Mon pou etabli mon lalyans ant mwan ek ou e avek ou desandans apre ou, atraver tou zot zenerasyon. Sa lalyans ava dire pour touzour. Mon pou vin ou Bondye e Bondye tou ou desandans apre ou.

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

Psonm 119:75

Mon konnen SENYER, ki ou bann zizman i zis e ou'n byen fer imilye mwan.

Ebre 11:11

Par lafwa, Sara osi, menm si i ti byen aze, ti ganny pouvwar fer zanfan, akoz i ti krwar ki Bondye ki'n fer sa promes, pou osi realiz li.

Deterononm 4:35

In montre ou tousala, pour ki ou rekonnet ki SENYER i Bondye; ki napa okenn lot bondye apard li.

Let Pol pour bann Tit 1:2

dan lesperans lavi eternel. Bondye ki pa zanmen manti, ti promet nou sa lavi avan konmansman letan;

1 Korentyen 10:3

Zot tou, zot ti manz menm nouritir spirityel;

1 Korentyen 8:3

Me sa enn ki kontan Bondye, Bondye i konn li.

1 Kronik 16:15

Rapel ki son lalyans pour touzour, son parol ki i'n donnen pour mil zenerasyon;

Lamantasyon 3:23

Tou le bomaten, son lanmour i nef! Ou fidelite i gran.

Psonm 146:6

I'n fer lesyel, later, lanmer ek tou sa ki egziste. I tenir son promes pour touzour.

Zenez 9:15

Mon pou rapel lalyans ki mon'n fer ant mwan ek zot, e avek tou bann et vivan, ki delo pa pou zanmen vin en deliz pour detri tou bann et vivan lo later ankor.

Zenez 28:15

Mon pou avek ou, mon pou protez ou e fer ou retourn isi. Mon pa pou kit ou ziska ki mon'n fer sa ki mon'n promet ou.”

Nonm 14:18

Mwan SENYER, mon pasyan, ranpli avek labonte ek fidelite, ki pardonn fot ek pese. Me mon pa fer koupab pas pou inosan. Mon azir kont sa enn ki'n komet pese e kont son bann desandan, ziska trwazyenm e menm katriyenm zenerasyon.

Deterononm 4:39

Ozordi alor, rekonnet e medit dan ou leker ki SENYER i Bondye lao dan lesyel e anba lo later, e ki napa okenn lot bondye apard li.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

Ziz 2:1

Mesaze SENYER ti monte sorti Gilgal e al Bokim. I ti dir, “Mon ti fer zot monte depi Lezip e mon'n fer zot antre dan sa pei ki mon ti'n promet par serman avek zot bann zanset. Mon ti dir: Zanmen mon pou kas mon lalyans avek zot.

1 Rwa 8:23

I ti dir: SENYER, Bondye pep Izrael, napa okenn Bondye parey ou, dan lesyel lao, ni anba lo later. Ou gard ou lalyans ek ou fidelite anver ou bann serviter ki mars devan ou avek tou zot leker.

2 Kronik 6:14

I ti priye: SENYER Bondye pep Izrael! Napa okenn lot bondye, ni dan lesyel, ni lo later, parey ou. Ou gard ou lalyans, ou fidel anver ou bann serviter ki obei ou avek tou zot leker.

Psonm 103:18

anver sa enn ki gard son lalyans e ki pa oubliye obei son bann komannman.

Psonm 105:8

I pa oubliy son lalyans pour touzour, son parol ki i'n donnen pour mil zenerasyon;

Zeremi 32:18

Ou ti montre ou fidelite anver plizyer zenerasyon. Me ou osi pini zanfan pour pese ki zot paran e zot gran paran i fer. Ou menm Bondye ki gran e for; ou menm ki nou apel SENYER liniver.

Deterononm 32:39

Aprezan, gete! Mwan menm mwan, zis mwan ki la; napa en lot bondye apar mwan. Mwan ki donn lanmor e ki donn lavi. Mwan ki blese e ki geri. Personn pa kapab delivre sa enn ki dan mon lanmen.

Ziz 5:31

SENYER! Fer ou bann lennmi disparet parey. Fer ou bann zanmi vin parey soley ler i leve dan tou son pwisans. E pei ti dan lape pandan 40 an.

Nehemi 9:32

Aprezan, nou Bondye, Bondye ki gran, pwisan e ki merit respe; ou ki gard ou lalyans e montre ou fidelite pran kont sa maler ki'n tap nou, nou bann lerwa, nou bann sef, nou bann pret, nou bann profet, nou bann zanset, ek tou ou pep, depi lepok bann lerwa Asiri, ziska ozordi.

Psonm 36:6

Ou lazistis i depas bann montanny; ou bann zizman i desann ziska dan profonder lanmer. SENYER! Ou sov bann et imen ek bann zannimo.