Deterononm 7:7 - Labib An Kreol Seselwa

⁷ Pa akoz ou ti pli nonbre parmi tou bann pep ki SENYER ti swazir ou. O kontrer, ou ti parmi bann pli pti pep.

Deterononm 7:7 Referans Kwoze

Deterononm 10:22

Ti annan zis 70 parmi zot bann zanset ki ti desann Lezip. Me ozordi, SENYER, Bondye in fer zot vin osi nonbre ki bann zetwal dan lesyel.

Romen 11:6

Si i'n swazir par son bonte, se pa akoz zot bann aksyon. Si Bondye ti swazir dapre sa ki zonm i fer, son bonte pa ti pou en vre bonte.

1 Zan 4:10

Lala kisisa lanmour: Pa nou ki'n kontan Bondye, me Bondye ki'n kontan nou e i'n anvoy son Garson koman en viktim, pour ki par li, nou bann pese i ganny pardonnen.

Romen 9:21

Eski en potye napa drwa fer sa ki i oule avek son later, e avek menm lapat fabrik en vaz presye e en vaz ordiner?

Psonm 115:1

Non SENYER! Pa nou. Pa nou ki merite. Me zis ou non ki merit laglwar, akoz ou bonte ek ou fidelite.

Romen 9:18

Ensi, Bondye i pran pitye pour ki i oule, e i rann antete sa enn ki i oule.

Levanzil dapre Lik 12:32

“Pa bezwen per, pti troupo! Zot Papa in pran plezir donn zot son Rwayonm.

Matye 7:14

Me laport e semen ki anmenn ver lavi i etrwat e difisil. Napa bokou ki trouv li.

Ezai 51:2

Lev zot lizye ver Abrahanm, zot zanset e ver Sara ki'n donn zot nesans. Abrahanm ti napa zanfan ler mon ti apel li; apre, mon ti beni li e donn li bokou desandans.

1 Zan 3:1

Gete! Nou Papa in telman kontan nou, ki i apel nou zanfan Bondye. An realite se sa ki nou ete. Rezon akoz lemonn pa'n konn nou, se akoz i pa'n konn Bondye.

Deterononm 1:10

SENYER, zot Bondye in ogmant zot pep, e ozordi, zot in vin osi nonbre ki zetwal dan lesyel.

Deterononm 4:37

SENYER ti kontan ou bann zanset. Pour sa rezon, ki i'n swazir zot bann desandan e par son prezans ek son pwisans, i ti fer zot sorti Lezip.

1 Kronik 16:19

Zot ti ankor en pti ponnyen, san lenportans, e zot ti bann etranze dan pei.

Psonm 44:3

Pa avek zot lepe ki zot ti ganny sa pei; pa avek zot lafors, ki zot ti ganny laviktwar. Me par ou lanmen, par ou lafors, par lalimyer ou prezans, akoz ou ti kontan zot.

Psonm 105:12

Kan zot pa ti nonbre, zot ti en pti ponnyen pe viv koman etranze dan pei.

Ezai 63:9

dan tou zot detres. Zot pa ti ganny sove par en mesaze, ni par en lanz; me SENYER li menm ki ti delivre zot. Dan son lanmour ek son konpasyon i ti delivre zot; tou dilon, dan lepase, i ti avek zot, i ti soutenir zot.

Ezekyel 36:22

Pour sa rezon, dir pep Izrael: La sa ki Senyer BONDYE i deklare: Pa akoz zot, ki mon'n azir konmsa, me akoz mon non sen ki zot in bafwe parmi bann nasyon partou kot zot in ale.

Deterononm 14:2

Ou en pep sen pour SENYER, ou Bondye. Ou ki SENYER in swazir parmi tou bann pep lo later pour vin son pep e son posesyon.

Psonm 105:6

Desandans son serviter, Abrahanm, bann garson Zakob ki i'n swazir.

Ezekyel 20:5

Dir zot: La sa ki Senyer BONDYE i deklare: Zour mon ti swazir pep Izrael, mon ti fer en serman avek bann desandan Zakob. Mon ti fer zot konn mwan Lezip; mon ti fer en serman; lanmen leve, mon ti dir: Mwan menm SENYER zot Bondye.