Deterononm 7:16 - Labib An Kreol Seselwa

¹⁶ Ou pou detri tou bann pep ki SENYER, ou Bondye pe livre dan ou lanmen. Ou pa pou montre okenn pitye pour zot. Ou pa pou servi zot bann bondye, akoz sa i riske vin en pyez pour ou.

Deterononm 7:16 Referans Kwoze

Egzod 23:33

Zot pa pou reste dan ou pei, pangar zot ava fer ou fer pese kont mwan. Annefe, ou riske ador zot bann bondye, e sa pou en latrap pour ou.

Ziz 8:27

Avek tousala, Zedeon ti fer en lefod ki i ti plas dan son lavil, Ofra. Pep Izrael antye ti vin ador la, avek li. Sa lefod ti vin en pyez pour Zedeon e pour son fanmir.

1 Korentyen 15:33

Pa les zot ganny tronpe: Move frekantasyon, i gat repitasyon.

Deterononm 25:12

ou ava koup son lanmen san okenn pitye.

Deterononm 19:21

Pa montre okenn pitye: En lavi pour en lavi, en lizye pour en lizye, en ledan pour en ledan, en lanmen pour en lanmen, en lipye pour en lipye.

Deterononm 19:13

Pa montre okenn pitye. Konmsa, ou ava anpes disan inosan koule dan Izrael, e viv ere.

Deterononm 13:8

Pa aksepte, ni ekout en tel dimoun. Pa montre okenn pitye, ni konpasyon, pa soutir li.

Psonm 106:36

Zot ti ador zot bann zidol ki ti vin en latrap pour zot.

Deterononm 7:2

SENYER, zot Bondye ava livre zot anba zot pouvwar e donn ou laviktwar lo zot. Alor, ou ava detri zot konpletman. Pa fer okenn lalyans avek zot e pa pran okenn pitye pour zot.

Zeremi 21:7

SENYER ti deklare: Kanta Sedesyas, lerwa Zida ek son bann sef ek tou dimoun ki'n sirviv lafanmin, lepe ek lepidemi, mon pou livre zot dan lanmen lerwa Naboukodonozor ek bann lennmi ki oule touy zot. Naboukodonozor pou masakre zot tou. I pa pou eparny personn, ni montre konpasyon oubyen pitye anver personn.

Ziz 3:6

Zot ti marye avek zot bann fiy e marye zot fiy avek zot bann garson; zot ti servi zot bann bondye.

Ziz 2:3

Alor mon ti dir: Mon pa pou sas zot devan ou; zot ava viv parmi zot e zot bann bondye ava vin en pyez pour zot.”

Nonm 33:55

Me si zot pa sas bann zabitan sa pei, alor, sa bann ki reste deryer pou vin en zegwir dan zot lizye e en pikan dan zot ledo. Zot pou trakas ou dan sa pei kot ou pe al reste.

Ziz 2:12

Zot ti'n abandonn SENYER, Bondye zot zanset, ki ti'n fer zot sorti Lezip; zot ti swiv lezot bondye ki parmi bann bondye sa pep ki ti otour zot. Zot ti prostern devan sa bann bondye e sa ti depler SENYER.

Deterononm 7:25

Ou ava bril zot bann stati ek zot bann bondye. Pa les ou ganny tante par larzan oubyen lor ki kouver zot, akoz zot kapab vin en pyez pour ou; zot degoutan devan SENYER, ou Bondye.

Zozye 11:20

Annefe, SENYER ti'n andirsi zot leker pou fer lager kont Izrael, pour ki Izrael ava kapab masakre zot san pitye, e detri zot konpletman, parey SENYER ti'n ordonn Moiz.

Psonm 106:34

Zot pa ti detri bann pep parey SENYER ti'n donn zot lord.

Deterononm 13:9

Ou devre touy li; ou ava premye dimoun pour egzekit li. Apre, lezot ava kontinyen saboul li avek ros.