Biblia Todo Logo
Bib sou entènèt

- Piblisite -




Deterononm 6:5 - Labib An Kreol Seselwa

5 Ou ava kontan SENYER, ou Bondye avek tou ou leker, avek ou et antye e avek tou ou lafors.

Gade chapit la Kopi




Deterononm 6:5
26 Referans Kwoze  

Kontan Senyer ou Bondye avek tou ou leker, avek ou et antye, avek tou ou lespri e avek tou ou lafors.


Zezi ti reponn li, “Kontan Senyer ou Bondye avek tou ou leker, avek tou ou et antye, e avek tou ou lespri.


Sa profeser Lalwa ti reponn li, “Kontan Senyer ou Bondye avek tou ou leker, avek ou et antye, avek tou ou lafors, avek tou ou lespri, e ou prosen parey ou menm.”


Aprezan Izrael! Ekoute ki SENYER, ou Bondye pe demann ou: I demann ou pour annan respe pour SENYER, ou Bondye, swiv son semen, kontan li, servi SENYER, ou Bondye avek tou ou leker e avek ou et antye.


SENYER, ou Bondye pou osi sirkonsi ou leker ek leker ou bann desandan, pour ki ou kontan SENYER, ou Bondye avek tou ou leker, tou ou et, e ou ava kapab viv.


Laba dan sa pei, ou pou rod SENYER, ou Bondye. Si ou rod li avek tou ou leker ek tou ou lespri, ou pou trouv li.


Annefe, lanmour pour Bondye, se ki nou obei son komannman; e son bann komannman pa en fardo.


Sakenn i devre kontan Bondye avek tou son leker, tou son lentelizans e tou son lafors. I devre osi kontan son prosen parey li menm. Sa i vo plis ki tou bann sakrifis ek bann sakrifis konplet.”


Si zot vreman obei tou bann komannman ki mon pe ordonn zot ozordi, si zot kontan SENYER, zot Bondye e servi li avek tou zot leker e zot et antye.


Avan Zozyas, ti napa okenn lerwa parey li, ki ti retourn kot SENYER avek tou son leker, avek son et antye, e avek tou son lafors, dapre tou bann lalwa Moiz. I pa'n zanmen annan personn parey li, ni avan, ni apre.


Sa enn ki kontan son papa oubyen son manman plis ki mwan, i pa merit ganny apele mon disip. Sa enn ki kontan son garson oubyen son fiy plis ki mwan, i pa merit ganny apele mon disip.


Ou ava kontan SENYER, ou Bondye e ou ava touzour obei tou son bann lalwa, regleman ek komannman.


ou pa pou ekout bann parol sa profet oubyen sa vizyoner. Annefe, SENYER, ou Bondye pe teste ou. I oule konnen si vreman ou kontan SENYER, ou Bondye avek tou ou leker e avek ou et antye.


si ou byen obzerv tou son bann komannman ki mon ordonn ou ozordi; si ou kontan SENYER, ou Bondye e si ou touzour swiv son semen, alor ou ava azout trwa lezot lavil.


La sa ki mon pe ordonn ou ozordi: Obei bann komannman SENYER, ou Bondye, kontan SENYER, ou Bondye; mars dan son semen; obzerv son bann komannman, regleman ek lalwa, pour ki ou vin nonbre. SENYER, ou Bondye ava beni ou dan sa pei kot ou pe al antre pour pran posesyon.


Kontan SENYER, ou Bondye, obei li e reste atase avek li, pour ki ou viv lontan e reste dan sa pei ki SENYER in fer serman pour donn ou bann zanset, Abrahanm, Izaak ek Zakob.


Salomon ti kontan SENYER. I ti swiv tou bann lord son papa David. Me i ti ofer sakrifis e bril lansan dan bann landrwa sakre.


Byennere sa bann ki gard son bann lord, ki rod li avek tou zot leker.


Ou ava swiv SENYER, ou Bondye; ou ava annan respe zis pour li. Ou ava gard son bann komannman, obei son lavwa, e reste atase avek li.


si ou obei SENYER, ou Bondye e obzerv son bann komannman ek lalwa ki'n ganny ekri dan sa liv; si ou retourn ver SENYER, ou Bondye avek tou ou leker e tou ou et.


Selman, fer sir zot obzerv tou bann komannman ek lalwa ki Moiz, serviter SENYER, zot Bondye in ordonn zot. Kontan SENYER, zot Bondye e fer tou sa ki i demann zot. Obei tou son bann komannman; atas avek li e servi li fidelman avek tou zot leker e avek lafors zot et antye.”


Dan en lalyans ki zot ti fer, zot ti promet SENYER, Bondye zot zanset, ki zot pou rod li avek tou zot leker ek zot et antye.


I ti debout dan son plas e i ti renouvle lalyans avek SENYER, pour swiv SENYER e obeir son bann komannman, bann lalwa ek bann regleman avek tou zot leker, e pour obeir tou parol lalyans ki'n ekri dan sa liv.


Zot tou, ki met zot konfyans dan SENYER pran kouraz, reste for!


Swiv nou:

Piblisite


Piblisite