Deterononm 5:24 - Labib An Kreol Seselwa

²⁴ Zot ti dir mwan: Gete! SENYER, nou Bondye in montre nou son laglwar ek son grander e nou'n antann son lavwa sorti dan dife. Ozordi, nou'n war ki Bondye i kapab koz avek en imen i sa dimoun i kapab reste vivan.

Deterononm 5:24 Referans Kwoze

Deterononm 4:33

Eski en pep in deza antann lavwa Bondye dan milye dife, parey ou ti tande e reste vivan?

Egzod 19:19

An mezir ki son tronpet ti vin pli for, Moiz ti koze e Bondye ti reponn li dan loraz.

Egzod 33:20

Me ou pa kapab war mon vizaz akoz personn pa kapab war mwan e kontinyen viv.”

Zenez 32:30

Zakob ti apel sa landrwa Penouel, savedir fas a fas avek Bondye. I ti dir, “Mon'n war SENYER fas a fas, e mon pa'n mor.”

Ziz 13:22

Manoa ti dir son fanm, “Sirman nou pou mor, akoz nou'n war Bondye!”

Egzod 20:22

SENYER ti dir Moiz, “La sa ki ou pou dir pep Izrael: Zot in war zot menm ki depi lesyel, mon'n koz avek zot.

Deterononm 5:23

Ler zot ti antann sa lavwa sorti dan fernwanr, pandan ki montanny ti anflanm, tou zot bann sef tribi ek bann ansyen ti vin kot mwan.

Deterononm 5:25

Akoz fodre ki nou mor aprezan? Annefe, sa gran dife i kapab devor nou. Si nou kontinyen antann lavwa SENYER, nou Bondye, nou pou mor.

Deterononm 32:3

Mon pou proklanm non SENYER, rekonnet ki nou Bondye i gran.

Zenez 32:31

Soley ti pe leve kan i ti pas Penouel; i ti pe bwete akoz son laans.

Nonm 14:14

Zot in rakont avek zabitan sa pei; sa bann dimoun in tande ki ou SENYER, ou parmi ou pep, ki ou SENYER ou aparet fas a fas. Ou dan nyaz par lao latant. Ou diriz zot dan en kolonn nyaz lizour e dan en kolonn dife aswar.