Deterononm 5:11 - Labib An Kreol Seselwa

¹¹ Ou pa pou pronons non SENYER, ou Bondye anven, akoz SENYER pa pou pardonn personn ki servi son non anven.

Deterononm 5:11 Referans Kwoze

Egzod 20:7

Ou pa pou pronons non SENYER ou Bondye an bonnavini. Annefe SENYER pa pou pardonn sa enn ki pronons son non an bonnavini.

Deterononm 6:13

Ou ava annan respe pour SENYER, ou Bondye e ou ava servi li; ou ava pret serman zis lo son non.

Levitik 19:12

Ou pa devre fer fo serman an servan mon non; ou ava pe dezonor non ou Bondye. Mwan menm SENYER.

Let Zak 5:12

Me avan tou, mon bann frer! Pa bezwen fer serman ni par lesyel, ni par later, ni par okenn fason. Zot wi, i devre wi, e zot non, i devre non, pour ki zot pa tonm anba zizman Bondye.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Psonm 139:20

Ou bann lennmi pe servi ou non pour tronpe; zot pronons ou non pour fer dimal.

Deterononm 10:20

Zot ava annan respe pour SENYER, zot Bondye; zot ava ador zis li. Reste atase avek li, e zot ava fer serman lo son non.

Oze 4:2

I annan zis malediksyon, mansonz, krim, vol, adilter. Zot pas letan dan vyolans e fer krim enn apre lot.