Deterononm 4:7 - Labib An Kreol Seselwa

⁷ Annefe, lekel sa lot gran nasyon ki annan en bondye ki si pros avek li parey SENYER, nou Bondye, sak fwa ki nou apel li?

Deterononm 4:7 Referans Kwoze

Psonm 145:18

SENYER i pre avek tou dimoun ki apel li; tou dimoun ki apel li avek senserite.

Psonm 34:18

SENYER i pros avek sa enn ki'n dekouraze. I sov sa enn ki'n perdi tou lespwar.

Psonm 73:28

Me pour mwan, kan mon apros avek Bondye, mon dan lazwa. Mon swazir Senyer BONDYE pour mon labri e mon pou rakont tou son bann byenfe.

2 Samyel 7:23

Lekel nasyon lo later ki parey Izrael, ou pep, ki bann bondye in sove pour fer en pep pour zot, e donn li en non? Ou'n akonpli bann mervey pour zot; ou'n akonpli bann keksoz terib pour ou pei devan ou pep ki ou ti fer sorti Lezip; ou'n liber li avek bann nasyon ek zot bann bondye pour fer li vin ou pep.

Let Zak 4:8

Apros avek Bondye, e i ava apros avek zot. Lav zot lanmen, zot ki komet pese! Pirifye zot leker, zot bann ipokrit!

Ezai 55:6

Rod SENYER letan zot ankor kapab trouv li, apel li letan i lanmenm pros.

Psonm 46:1

Bondye i pour nou en labri e en sekour. I touzour avek nou dan letan maler.

Psonm 148:14

In rann son pep son lafors. Son bann fidel i sant son louanz. Pep Izrael i en pep pros avek li. Loue SENYER!

Ezai 43:4

Ou annan gran valer pour mwan. Ou presye pour mwan e mon kontan ou. Pour sa rezon, mon donn bann pep dan ou plas e bann nasyon an retour pour ou lavi.

Deterononm 5:26

Annefe, lekel sa zonm parey nou, ki'n antann lavwa Bondye vivan koze depi dan milye dife e ki'n reste vivan?

Nonm 23:21

I pa'n war okenn maler dan Zakob. I pa war okenn lenzistis dan Izrael. SENYER, zot Bondye i avek zot. I'n ganny proklanmen ki li menm li zot lerwa.

Nonm 23:9

Mon war li depi lo montanny; mon admir li ler mon anler lo kolin. Zot en nasyon apar. Zot pa form parti lezot nasyon.

Akt de Zapot 17:27

Bondye in fer sa pour ki zonm i rod li, e esey antre an kontak avek li, e ki an tatonnan, zot trouv li. An realite, i pa lwen avek sakenn parmi nou,

Deterononm 4:32

Mazin letan pase, byen lontan avan ou, depi ki ou Bondye ti kree limanite lo later. Poz sa bann kestyon lo sa ki'n arive partou lo later: Eski en si gran levennman in deza arive? Eski en keksoz parey in deza ganny rakonte?

Deterononm 26:19

Konmsa, i ava fer ou vin pli gran nasyon ki i'n kree, dan ou repitasyon e dan ou loner. Konmsa, ou ava en pep sen pour SENYER, ou Bondye, parey in promet.

Psonm 34:17

Kan son zanfan i apel li, SENYER i antann li. I delivre li dan tou son traka.

Psonm 85:9

SENYER i pare pour sov sa enn ki obei li, pour ki son laglwar i reste dan pei.

Psonm 147:20

Zanmen in azir parey anver okenn lot nasyon. Zot pa konn son bann komannman. Loue SENYER!

Deterononm 33:29

Izrael! Ou byennere. Lekel ki parey ou? En pep ki SENYER in sove; ou boukliye ki sekour ou ou lepe ki donn ou laviktwar. Ou bann lennmi pou kourbe devan ou; ou pou mars lo zot.