Deterononm 4:44 - Labib An Kreol Seselwa

⁴⁴ Sa i lalwa ki Moiz ti met devan bann Izraelit.

Deterononm 4:44 Referans Kwoze

Levanzil dapre Zan 1:17

Bondye ti donn nou son Lalwa atraver Moiz, me se par Zezi-Kri ki nou'n ganny lagras ek laverite.

Malasi 4:4

Rapel byen bann lalwa, bann komannman ek bann regleman, ki mon ti donn mon serviter Moiz lo montanny Horeb pour pep Izrael antye.

Deterononm 33:4

Moiz ti donn nou lalwa koman posesyon pour lasanble Zakob.

Deterononm 27:26

Malediksyon lo sa enn ki pa gard bann parol sa lalwa i ki pa met zot an pratik. Lepep ava dir: Amenn!

Deterononm 27:8

Ou ava grav lo sa bann ros, dan en fason byen kler, tou bann parol sa lalwa.

Deterononm 27:3

Kan ou ava travers larivyer Zourden pour antre dan pei ki SENYER, ou Bondye pe al donn ou, en pei kot dile ek dimyel i koule, parey SENYER Bondye ou bann zanset in promet ou, ou ava ekri lo sa bann gro ros, tou bann parol sa lalwa.

Deterononm 1:5

Ler i ti ankor lot kote larivyer Zourden, dan pei Moab, Moiz ti deside eksplik sa bann lalwa. La sa ki i ti dir zot:

Levitik 27:34

Sa i bann komannman ki SENYER ti donn Moiz pour pep Izrael lo montanny Sinai.

Nonm 36:13

Sa ti bann komannman ek bann regleman ki SENYER ti donn pep Izrael, par lentermedyer Moiz, kan zot ti dan laplenn Moab, obor larivyer Zourden, vizavi Zeriko.

Deterononm 4:43

Sa bann lavil ti Beser, lo plato dan dezer, pour bann Ribenit; Ramot dan pei Galaad, pour bann Gadit e Golann dan Basann, pour bann Manasit.

Deterononm 4:45

Moiz ti donn sa bann lalwa ek regleman ler zot ti'n sorti Lezip.

Zozye 12:1

La non bann lerwa ki bann Izraelit ti bate e pran zot pei Les avek larivyer Zourden, depi larivyer Arnon ziska montanny Hermon, avek tou laplenn dezer dan Les:

2 Rwa 17:37

Zot ava obzerve e met an pratik tou bann lalwa ek bann komannman ki i ti ekri pour zot. Zot pa devre ador okenn lezot bondye.