Deterononm 4:34 - Labib An Kreol Seselwa

³⁴ Eski i annan en bondye ki'n deza esey swazir en nasyon pour li, parmi lezot nasyon, par bann leprev, bann siny, bann mervey ek bann lager; avek son pouvwar ek son lafors e par bann aksyon gran e ekstraordiner? Non, me SENYER, zot Bondye in fer zot dan lesklavaz Lezip, parey zot in war avek zot prop lizye

Deterononm 4:34 Referans Kwoze

Deterononm 26:8

Par son pwisans ek son lafors, SENYER ti fer nou sorti Lezip, dan en gran fraka avek bann siny ek bann mervey.

Deterononm 5:15

Rapel byen ki ou ti en lesklav Lezip. Par son pwisans ek son lafors, SENYER, ou Bondye ti fer ou sorti. Pour sa rezon, SENYER, ou Bondye ti ordonn ou obzerv zour saba.

Egzod 6:6

Alor, dir bann Izraelit: Mwan menm SENYER, mon pou tir zot anba latas bann Ezipsyen e mon pou delivre zot anba lesklavaz ki zot pe sibir. Par mon pwisans, par mon bann gran zizman, mon pou liber zot.

Deterononm 7:19

tou sa bann gran soufrans ki ou menm ou'n war, bann siny ek bann mervey, avek son gran pwisans ek son lafors ki SENYER, ou Bondye ti fer ou sorti Lezip. SENYER, ou Bondye pou fer parey avek tou bann pep ki fer ou per.

Zeremi 32:21

Ou'n fer ou pep Izrael sorti Lezip atraver bann mirak e bann prodiz, par ou gran lafors e ou'n fer zot respe ou.

Deterononm 6:21

Zot ava dir: Nou ti bann lesklav Faraon Lezip; me par son pwisans, SENYER in tir nou Lezip.

Egzod 13:3

Moiz ti dir lepep: Mazin byen sa zour kan zot ti sorti Lezip, kot zot ti dan lesklavaz. Par lafors son lanmen ki SENYER ti fer zot sorti Lezip. Zot pa devre manz okenn dipen avek lelven.

Deterononm 34:12

Moiz ti annan en gran pouvwar. I ti akonpli bann mervey ek bann aksyon terib devan pep Izrael.

Egzod 3:10

Aprezan, ale. Mon pe anvoy ou kot Faraon; fer Izrael mon pep, sorti Lezip.”

1 Pyer 5:6

Alor, avek limilite, plas zot dan pwisan lanmen Bondye, pour ki dan ler ki i'n fikse, i ava onor zot.

Egzod 10:7

Dimoun dan lantouraz Faraon ti dir: Ziska kan sa zonm pou kontinyen anmenn maler lo nou? Les sa pep ale pour zot al servi SENYER, zot Bondye. Eski ou pa ankor konpran ki Lezip in ganny detri?

Deterononm 29:3

Zot in war bann gran leprev ki i'n anvoye, bann siny ek bann gran mervey ki i'n fer.

Egzod 7:3

Me mwan, mon pou andirsi leker Faraon. Menm si mon fer ankor plis bann siny ek bann mervey dan Lezip,

Psonm 78:12

I ti fer en bann mervey devan zot bann zanset, dan laplenn Zoann, kan zot ti dan pei Lezip.

Egzod 1:9

I ti dir son pep, “Pep Izrael i pli nonbre e pli for ki nou.

Egzod 14:30

Sa zour, SENYER ti sov pep Izrael dan lanmen bann Ezipsyen. Izrael ti war bann Ezipsyen mor lo bor lanmer.

Deterononm 9:29

Pa oubliye ki sa pep i pour ou e ki ou ki ti fer li sorti Lezip, par ou pwisans ek ou lafors.

Deterononm 11:2

Rekonnet sa ozordi: Zot bann zanfan pa'n konnen, ni war bann keksoz ki SENYER, zot Bondye in fer. Me mon pe koz avek ou ki'n temwen son grander, son lafors ek son pwisans.

Deterononm 33:29

Izrael! Ou byennere. Lekel ki parey ou? En pep ki SENYER in sove; ou boukliye ki sekour ou ou lepe ki donn ou laviktwar. Ou bann lennmi pou kourbe devan ou; ou pou mars lo zot.

Psonm 24:8

Lekel sa gran lerwa? Sa i SENYER ki for e pwisan. Li menm SENYER ki viktorye dan konba.

Psonm 136:12

Avek en lanmen for e lebra leve; son fidelite i dire pour touzour.

Ezai 51:9

Leve! Leve! Lebra SENYER! Pran lafors! Leve parey dan letan pase! Dan letan bann zenerasyon pase! Pa ou ki ti touy Rahab e transpers dragon?

Zeremi 21:5

Mwan menm, mon pou lager kont ou avek tou mon lafors e dan en lakoler terib e vyolan.

Egzod 10:21

SENYER ti dir Moiz, “Lev ou lanmen ver lesyel pour ki i ava annan en fernwanr epe partou dan Lezip.”

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Egzod 19:4

Zot in war sa ki mon ti fer avek Lezip: Mon ti anmenn zot, parey en leg i anmenn son piti lo son lezel, e mon'n fer zot retourn kot mwan.

Nonm 20:16

Nou ti kriye e SENYER in antann nou. I ti anvoy son mesaze pou vin delivre nou Lezip. La aprezan, nou'n ariv Kades, en lavil ki baliz avek ou teritwar.

Deterononm 1:30

SENYER, zot Bondye ki pe mars devan zot. Li menm ki pou konbat dan zot plas, parey i ti fer devan zot, Lezip.

Deterononm 10:21

Zot ava loue li; i zot Bondye. I'n fer pour ou bokou bann gran mervey ki zot in war avek zot prop lizye.

Zozye 24:7

Kan zot ti kriy ver SENYER, i ti met fernwanr ant zot avek bann Ezipsyen; i ti fer lanmer kouver zot. Zot lizye ti war sa ki mon ti fer kont Lezip. Zot ti reste lontan dan dezer.