Deterononm 33:3 - Labib An Kreol Seselwa

³ Annefe, i ti kontan bann pep. Tou son pep sen ki i proteze, ti prostern devan ou e aksepte ou bann lenstriksyon.

Deterononm 33:3 Referans Kwoze

Levanzil dapre Lik 10:39

Mart ti annan en ser ki ti apel Mari, ki ti al asiz obor lipye Zezi e ekout li koze.

Malasi 1:2

SENYER ti dir avek son pep Izrael, “Mon'n kontan ou.” Me Izrael ti reponn, “Ki mannyer ou'n montre ki ou kontan nou?” SENYER ti reponn zot, “Ezai ek Zakob, pa zot de frer? Pourtan mon'n kontan Zakob,

1 Pyer 1:5

Sa bann byen i pour zot, ki, par lafwa, in ganny garde par pwisans Bondye, ziska ki delivrans i arive, pare pour ganny revele dan lafen letan.

Akt de Zapot 22:3

“Mwan, mon en Zwif, mon'n ne Tars, an Silisi, me mon'n grandi isi, Zerizalenm. Mon'n ganny koman profeser, Gamalyel ki'n ansenny mwan Lalwa nou bann zanset. Parey zot ozordi, mon ti ranpli avek devouman pour Bondye.

Levanzil dapre Lik 8:35

Dimoun ti sorti pour al war sa ki ti'n arive. Zot ti ariv kot Zezi; zot ti war sa zonm ki demon ti'n kite. Abiye, i ti pe asiz kot lipye Zezi; son lespri ti normal. Zot ti per.

Levanzil dapre Lik 2:46

Trwa zour plitar, zot ti war li dan Tanp, pe asize parmi bann profeser lalwa. I ti pe ekout zot e pe poz zot kestyon.

Oze 11:1

Kan Izrael ti ankor zenn, mon ti kontan li, mon'n apel mon garson pour sorti Lezip.

Zeremi 32:40

Mon pou fer en nouvo lalyans avek zot pour touzour; mon pou touzour fer zot dibyen. Zot ava annan respe pour mwan avek tou zot leker e zot pa pou abandonn mwan.

Zeremi 31:3

Depi dan lwen, SENYER ti aparet avek mwan. Mon kontan ou depi touzour e pour touzour. Pour sa rezon, mon'n reste fidel anver ou.

Proverb 2:1

Mon garson! Si ou aksepte mon bann parol; si ou gard byen mon bann komannman;

Psonm 50:5

Rasanble mon bann fidel ki'n fer en lalyans avek mwan par en sakrifis!

Psonm 47:4

In swazir en patri pour nou, ki fer lafyerte Zakob ki i kontan.

Psonm 31:15

Mon bann zour i dan ou lanmen. Delivre mwan dan lanmen mon bann lennmi ki persekit mwan.

1 Samyel 2:9

I protez lepa son bann fidel. Me bann malfeter i al mor dan fernwanr, akoz zonm pa reisi par lafors.

Deterononm 14:2

Ou en pep sen pour SENYER, ou Bondye. Ou ki SENYER in swazir parmi tou bann pep lo later pour vin son pep e son posesyon.

1 Zan 4:19

Nou, nou kontan, akoz Bondye in kontan nou an premye.

1 Tesalonisyen 1:6

Zot in swiv nou legzanp ek legzanp nou Senyer; menm si zot in bokou soufer, zot in resevwar Parol Bondye avek lazwa dan Lespri Sen.

Matye 23:2

“Bann profeser Lalwa ek bann Farizyen in ganny sarze pour eksplik Lalwa Moiz.

Deterononm 4:37

SENYER ti kontan ou bann zanset. Pour sa rezon, ki i'n swazir zot bann desandan e par son prezans ek son pwisans, i ti fer zot sorti Lezip.

Deterononm 6:1

La bann komannman, regleman ek lalwa ki SENYER, zot Bondye i ordonn mwan pour ansenny zot, e ki zot ava obzerv dan sa pei ki zot pe al traverse pour pran posesyon.

Eklezyas 9:1

Mon reflesi lo tousala; la sa ki mon'n remarke: Bann zis, bann saz ek zot travay, tou i dan lanmen Bondye, menm lanmour, ensi ki laenn; bann et imen pa ni konnen ki pou arive.

Zeremi 2:2

al proklanm sa mesaz avek tou bann zabitan Zerizalenm. La sa ki SENYER i deklare: Mon rapel byen koman zot ti reste fidel anver mwan kan zot ti zenn; koman zot ti kontan mwan kan nou ti'n fek marye. Zot ti swiv mwan dan dezer, dan en pei kot zonm pa senmen.