Deterononm 32:37 - Labib An Kreol Seselwa

³⁷ Alor i ava dir: Oli zot bann bondye kot zot ganny labri?

Deterononm 32:37 Referans Kwoze

Zeremi 2:28

Me oli ou bann bondye ki ou'n fabrike pour ou menm? Izrael! Ou ki annan otan bondye ki i annan lavil dan Zida, kan ou dan maler, dir zot vin sov ou si zot kapab.

Ziz 10:14

Ale! Al kriy avek sa bann bondye ki zot in swazir. Dir zot vin sov zot dan zot detres.”

2 Rwa 3:13

Elize ti dir lerwa Izrael, “Mon napa nanryen pour fer avek ou. Al konsilte bann profet ou papa ek profet ou manman.” Me lerwa Izrael ti dir li, “Non! SENYER ki'n konvok sa trwa lerwa pour livre zot dan lanmen Moab.”

Egzod 34:15

Pa fer okenn lalyans avek bann zabitan sa pei, akoz si ou prostitye avek zot bann bondye e ofer zot bann sakrifis, zot ava kapab envit ou e manz sakrifis ki zot ofer zot bondye.

2 Samyel 22:3

I mon Bondye, mon ros protekter, kot mon an sekirite; mon boukliye, mon korn ki delivre mwan mon sitadel, mon refiz. Ou mon Sover ki protez mwan kont vyolans.

Ezai 31:9

Son protekter pou sove dan lafreyer; son bann sef pou sove e abandonn zot paviyon. SENYER ki annan en laflanm dan Siyon en fournez dan Zerizalenm ki deklare.

Zeremi 11:12

Alor, bann zabitan Zerizalenm e lezot lavil Zida ava kriy osekour ver bann bondye, anver ki zot bril lansan. Me sa bann bondye pa pou kapab sov zot dan letan zot maler.

Zeremi 37:19

Oli ou bann profet ki ti anons ou ki lerwa Babilonn pa pou atak ou, ni sa pei?