Deterononm 32:25 - Labib An Kreol Seselwa

²⁵ Dimoun pou ganny masakre dan lari. Dan bann lakaz, zennzan, zenn fiy, pti baba ki ankor pe tete, vyeyar avek seve blan zot tou, zot pou mor avek lafreyer.

Deterononm 32:25 Referans Kwoze

Ezekyel 7:15

Lepe pou deor e lepidemi ek lafanmin pou anndan. Sa enn ki dan laplenn pou ganny masakre; sa enn ki dan lavil pou ganny devore par lafanmin ek lepidemi.

Lamantasyon 1:20

SENYER! Gete dan ki maler mon ete; gete koman mon boulverse; mon leker i fer mal akoz mon'n revolte kont ou. Deor, dimoun pe ganny masakre. Dan lakaz, ou war zis lanmor.

2 Korentyen 7:5

Annefe, depi ki nou'n ariv Masedwann, nou pa'n pran okenn repo. Ti annan difikilte partou: Otour nou, lalit; dan nou leker, lafreyer.

Lamantasyon 4:4

Son bann piti in telman swaf ki zot lalang i kole dan pale. Bann zanfan i demann manze; me napa personn pour donn zot.

Zeremi 9:21

Lanmor in mont kot nou par lafnet; in antre dan nou zoli lakaz; i'n pran bann zanfan dan lari, ek bann zennzan dan bann plas piblik.

Ezai 30:16

Ou'n dir: Non! Nou pou sove lo seval. Alor, zot pou sove! Zot dir osi: Nou bann seval i rapid! Alor! Bann ki pourswiv zot pou osi rapid.

2 Kronik 36:17

Alor, SENYER ti livre zot dan lanmen lerwa Babilonyen ki ti atak zot pei. I ti masakre bann zennzan dan sanktyer, san okenn pitye pour personn: Ni zennzan, ni zenn fiy, ni adilt, ni vyeyar. I ti livre zot dan lanmen lerwa Babilonn.

Levitik 26:25

Mon pou anvoy lager kont zot, pour pini zot akoz mon lalyans. Si zot al pran refiz dan bann lavil, mon pou anvoy lepidemi parmi zot, e zot ava tonm dan lanmen lennmi.

2 Rwa 7:5

Alor, zot ti leve granmaten pour al dan kan Siriyen. Me ler zot ti ariv pre avek kan Siriyen, ti napa personn.

Zeremi 44:7

Aprezan, SENYER liniver, Bondye Izrael i demande: Akoz eski zot fer zot menm tou sa kantite ditor? Eski zot oule anmenn destriksyon total lo zonm, fanm, zanfan e pti baba? Eski zot oule ki zot pep i disparet?

Zeremi 44:8

Akoz zot provok mon lakoler par zot bann move aksyon e par bann sakrifis an loner bann bondye dan pei Lezip, kot zot in vin reste? Sa ki zot pe fer, pe detri zot e fer zot vin en legzanp malediksyon ek laont pour tou bann nasyon dan lemonn.

Oze 9:12

Menm si zot fer grandi zot zanfan, mon pou pran zot tou, san les en sel. Maler lo zot kan mon kit zot!

Oze 9:16

Efraim in fletri, son rasin in sek; i pa pou raport ankor okenn fri. Si zot fanm i ganny zanfan, mon pou touy bann fri presye ki dan zot vant.

Oze 11:6

Lepe lager pou balye zot bann lavil. I pou detri tou son bann defans, i pou devor tou, akoz zot move proze.

Mise 6:14

Ou pou manze me ou pou reste lafen. Tou sa ki ou pou met dekote pa pou reste; sa ki ou reisi met dekote, mon pou detrir par lepe.