Deterononm 28:51 - Labib An Kreol Seselwa

⁵¹ Sa nasyon ava manz prodwi ou bann troupo, prodwi ou later, ziska ki ou ganny detri. I ava les ou san semans, diven, delwil, ni zenn bef, ni zenn mouton, ni zenn kabri, ziska ki i'n fer ou disparet.

Deterononm 28:51 Referans Kwoze

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.

Ezai 62:8

SENYER in fer serman par son lanmen drwat; par son lebra pwisan i donn garanti: Mon pa pou donn ankor lennmi ou dible pour zot manze; bann etranze pou nepli bwar ou diven ki ou'n fatige pour fer.

Ezekyel 12:19

Dir avek popilasyon antye: La sa ki Senyer BONDYE i dir bann zabitan Zerizalenm ki'n reste dan pei Izrael: Zot pou manz zot dipen avek lafreyer, bwar delo an tranblan, akoz zot pei pou ganny devaste. Pa pou reste nanryen akoz vyolans ki son zabitan in komet.

Zeremi 17:3

Akoz ou bann pese dan pei antye, ou ki frekant lo bann montanny ek lakanpanny, mon pou donn koman piyaz lager, tou ou larises, tou ou bann trezor ek ou bann landrwa sakre.

Zeremi 15:13

La sa ki SENYER ti dir avek pep Zida: Mon pou livre zot larises ek zot trezor avek zot lennmi. Sa i konsekans zot bann pese ki zot in komet atraver pei.

Ezai 1:7

Ou pei in ganny devaste, ou bann lavil in brile. Bann etranze pe devor ou later lanmenm devan ou lizye. Ou bann plantasyon in ganny detri; lennmi in vir li anba lao.

Levitik 26:26

Mon pa pou donn zot dipen. Dis fanm ava kwi zot dipen dan en sel four. Manze pou ganny rasyonnen; zot ava manze, me zot pou ankor lafen.

Deterononm 28:50

I ava en nasyon avek en figir dir ki pa pou annan okenn respe anver bann vyeyar, ni pran pitye pour bann ki pli zenn.

Deterononm 28:52

Dan ou pei antye, i pou anserkle ou partou dan ou bann lavil, ziska ki bann gran miray fortifye kot ou ti krwar ou an sekirite, i tonbe. I ava anserkle ou dan bann lavil, partou dan pei ki SENYER, ou Bondye in donn ou.

Ezekyel 25:4

Alor, mon pe al livre ou dan lanmen bann tribi sorti dan Les; ou pou vin zot posesyon. Zot pou etabli zot kan se ou, mont zot latant kot ou, manz ou fri e bwar ou dile.

2 Rwa 25:10

Tou bann gerye Babilonyen avek li, ti demoli bann miray ki ti antour Zerizalenm.

Lamantasyon 4:9

Sa bann ki ti ganny masakre ti pli sanse ki bann viktim lafen; zot deperi dousman akoz napa nanryen pour manze.