Deterononm 26:16 - Labib An Kreol Seselwa

¹⁶ Ozordi, SENYER, ou Bondye pe ordonn ou pour met an pratik tou sa bann regleman ek lalwa. Alor, obzerv zot byen avek tou ou leker e ou et antye.

Deterononm 26:16 Referans Kwoze

Levanzil dapre Zan 14:15

Si zot kontan mwan, zot pou obei mon bann komannman.

Deterononm 12:1

La bann lalwa ek bann regleman ki zot devre obzerve dan pei ki SENYER, Bondye zot zanset pou donn zot, pour pran posesyon pour tou zot lavi.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Deterononm 12:32

Ou ava byen met an pratik tou sa ki mon'n ordonn ou. Ou pa pou ni azoute, ni tir nanryen.

Deterononm 11:8

Alor, obei tou sa bann komannman ki mon pe ordonn zot ozordi. Konmsa, zot ava ganny lafors pour travers larivyer Zourden e pran posesyon sa pei.

Deterononm 11:1

Ou ava kontan SENYER, ou Bondye e ou ava touzour obei tou son bann lalwa, regleman ek komannman.

Deterononm 8:2

Ou ava rapel sa long semen kot SENYER, ou Bondye in akonpanny ou pandan 40 an dan dezer, pour li imilye ou, teste ou; pour li konnen ki ou annan dan ou leker, si ou pou gard son bann komannman oubyen non.

Deterononm 6:17

Gard byen bann komannman SENYER, zot Bondye, bann lalwa e bann regleman ki i'n donn zot.

Deterononm 6:5

Ou ava kontan SENYER, ou Bondye avek tou ou leker, avek ou et antye e avek tou ou lafors.

Deterononm 6:1

La bann komannman, regleman ek lalwa ki SENYER, zot Bondye i ordonn mwan pour ansenny zot, e ki zot ava obzerv dan sa pei ki zot pe al traverse pour pran posesyon.

Deterononm 4:29

Laba dan sa pei, ou pou rod SENYER, ou Bondye. Si ou rod li avek tou ou leker ek tou ou lespri, ou pou trouv li.

Deterononm 26:17

Ozordi, SENYER in fer ou sa promes: I ava ou Bondye, si ou swiv son semen, si ou obei tou son bann regleman, son bann komannman ek tou son bann lalwa.

Deterononm 10:12

Aprezan Izrael! Ekoute ki SENYER, ou Bondye pe demann ou: I demann ou pour annan respe pour SENYER, ou Bondye, swiv son semen, kontan li, servi SENYER, ou Bondye avek tou ou leker e avek ou et antye.