Deterononm 26:10 - Labib An Kreol Seselwa

¹⁰ Alor, ozordi mon pe anmenn bann premye fri sa later ki ou SENYER in donn mwan. Ou ava depoz sa korbey devan SENYER, ou Bondye e prostern devan SENYER, ou Bondye.

Deterononm 26:10 Referans Kwoze

Revelasyon 22:9

Me i ti dir mwan: Pa fer sa! Mwan osi mon en serviter parey ou, parey ou bann frer bann profet ek tou bann ki obei parol sa liv. Bondye ki ou bezwen adore.

1 Korentyen 10:31

Alor, kwa ki ou manze, kwa ki ou bwar, nenport kwa ki ou fer, fer tou pour laglwar Bondye.

Romen 2:1

Ou! Nenport ki, ki ou ete; ou ki pas zizman lo lezot, ou napa okenn leskiz. Annefe, kan ou ziz lezot, e ki ou fer parey zot, ou pe kondann ou prop lekor.

Ezai 66:23

Tou dimoun pou vin ador mwan sak nouvellin, sak saba. SENYER ki deklare.

Proverb 3:9

Rann glwar SENYER avek sa ki ou annan, e avek premye fri tou ou bann rekolt.

Psonm 95:6

Vini! Annou ador li e prosternen devan li. Annou met nou azenou devan SENYER, nou Kreater.

Psonm 86:9

Tou bann nasyon ki ou'n kree pou prosternen devan ou, SENYER e zot ava rann glwar ou non.

Psonm 22:29

Tou bann gran lo later ki'n manze, pou prostern devan li. Tou bann ki desann dan later, ki pa kapab reste vivan, pou kourbe devan li.

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

1 Kronik 29:14

Me mwan, mon en nanryen ditou, e mon pep osi pa vo nanryen. Nou pa kapab ofer ou sa lofrann volonter. Annefe, tou sa ki egziste i sorti kot ou e sa ki nou'n donn ou i sorti kot ou.

Deterononm 26:17

Ozordi, SENYER in fer ou sa promes: I ava ou Bondye, si ou swiv son semen, si ou obei tou son bann regleman, son bann komannman ek tou son bann lalwa.

Deterononm 26:4

Sa pret ava pran sa korbey dan ou lanmen e depoz li ater devan lotel SENYER, ou Bondye.

Deterononm 26:2

ou ava pran en pe bann premye fri ki later in prodwir, ki ou'n rekolte dan sa later ki SENYER, ou Bondye pou donn ou. Ou ava met sa bann fri dan en korbey. Ou ava al la kot SENYER, ou Bondye ava swazir koman en landrwa pour li reste.

Deterononm 18:4

Zot ava donn li bann premye rekolt dible, diven ek delwil, osi lalenn bann premye mouton ki zot ava raze.

Egzod 22:29

Fodre pa gard avek ou lofrann fri oubyen rekolt ek prodwi ou plantasyon rezen. Ou ava donn mwan premye ne parmi ou bann garson.

Egzod 23:19

Ou ava anmenn premye fri ou plantasyon kot mwan, SENYER ou Bondye. Ou pa pou kwi en pti kabri dan dile son manman.

Deterononm 8:18

Rapel byen SENYER, ou Bondye akoz ou lafors ek ou larises i sorti kot li. Konmsa, i ava etabli son lalyans ki i ti fer par en serman avek ou bann zanset; sa ki i pe fer ozordi.

Proverb 10:22

Benediksyon SENYER i donn larises; i pa anmenn okenn sagren.