Deterononm 23:8 - Labib An Kreol Seselwa

⁸ Bann zanfan ki'n ne apartir trwazyenm zenerasyon, ava kapab fer parti lasanble SENYER.

Deterononm 23:8 Referans Kwoze

Deterononm 23:7

Pa mepriz okenn Edomit akoz zot ou fanmir pros. Pa mepriz okenn bann Ezipsyen, akoz ou ti en etranze dan zot pei.

Deterononm 23:9

Ler ou kanpe pandan lager kont ou bann lennmi, veye ki ou pa fer nanryen ki ava rann ou enpir.

Zenez 25:25

Premye ki ti ne, son lekor ti kouver avek pwal. Alor, zot ti apel li Ezai.

Zenez 25:26

Kan son frer ti sorti, son lanmen ti pe atrap talon Ezai. Alor zot ti apel li Zakob. Izaak ti annan 60 an kan zot ti ne.

Egzod 22:20

Sa enn ki ofer sakrifis en lot bondye apard mwan, SENYER, ava ganny detri konpletman.

Levitik 19:34

Tret sa etranze ki'n vin reste kot ou koman en sitwayen parmi zot. Kontan sa etranze parey ou menm akoz ou osi, ou ti etranze dan pei Lezip: Mwan menm SENYER ou Bondye.

Deterononm 10:19

Zot ava kontan bann etranze, akoz zot menm zot ti etranze Lezip.

1 Samyel 30:11

Zot ti trouv en Ezipsyen dan laplenn e zot ti anmenn li kot David. Zot ti donn li keksoz pour manze e bwar.

1 Rwa 3:1

Salomon ti etabli bon relasyon avek lerwa Lezip, e i ti marye avek enn son fiy. Letan i ti pe konstri son prop pale, tanp SENYER ek miray otour Zerizalenm, i ti anmenn son fanm viv dan lavil David.

Esdras 9:1

Apre sa bann levennman, bann sef Izraelit ti apros mwan. Zot ti dir: Pep Izrael, bann pret ek bann levit pa ti reste separe avek bann zabitan sa bann pei. Zot in swiv bann pratik degoutan bann Kananeen, Hitit, Perizit, Zebizit, Amonit, Moabit, Ezipsyen, ek Amorit.

Abdyas 1:10

Akoz ou depouy e touy ou frer Zakob, ou pou ganny kouver avek laont e ou pou ganny detri pour touzour.