Deterononm 2:5 - Labib An Kreol Seselwa

⁵ Pa provok zot, akoz mon pa pou donn zot nanryen dan sa pei, pa menm en landrwa pour poz lipye. Annefe, mon'n donn Ezai montanny Seir pour posesyon.

Deterononm 2:5 Referans Kwoze

Zozye 24:4

Mon ti donn Izaak Zakob ek Ezai. Mon ti donn Ezai rezyon montanny Seir, me Zakob ek son bann zanfan ti desann Lezip. Apre, mon ti fer zot sorti.

Zenez 36:8

Alor, Ezai ti al reste dan montanny Seir. Ezai, se li menm Edonm.

Akt de Zapot 17:26

Apartir en sel zonm, i'n kree tou bann nasyon dan lemonn e etabli zot lo later antye. Li menm ki davans in fikse letan egzakt e limit bann rezyon kot zot devre reste.

Akt de Zapot 7:5

Bondye pa ti donn li okenn propriyete, pa menm en pti morso later pour met son lipye, me i ti promet pour donn li ek son desandans, sa pei. Kan Bondye ti fer sa promes, Abrahanm ti napa zanfan.

Danyel 4:32

Ou pou ganny sase parmi bann imen; ou pou al viv parmi bann zannimo sovaz. Ou pou manz zerb parey bef, pandan set an, ziska ki ou rekonnet ki Bondye Toupwisan i annan pouvwar lo tou rwayonm imen, ki i donn sa ki i anvi.

Danyel 4:25

Ou pou ganny sase parmi bann imen, e ou pou viv parmi zannimo sovaz. Ou pou manz zerb parey bef; ou pou ganny kouver avek laroze lesyel. Set lannen pou pase, ziska ki ou aksepte ki Bondye Toupwisan i kontrol tou rwayonm imen e i donn sa ki i anvi.

Zeremi 27:5

Mwan ki'n kre later, zonm ek bann zannimo ki viv lo later. Tou sa ki mon'n kree avek mon lafors e mon savwar fer, mon partaz li avek sa ki fer mwan plezir.

Deterononm 32:8

Kan Bondye Treo ti donn bann nasyon zot patrimwann, kan i ti separ bann imen, i ti fikse teritwar bann pep; i ti plas sak pep anba lotorite en et seles.

Deterononm 2:6

Zot ava aste sa ki zot ava manze, menm delo ki zot ava bwar.

Deterononm 2:22

SENYER ti fer parey pour bann desandan Ezai ki ti reste Seir: I ti detri bann Horit devan zot. Konmsa, zot ti kapab pran pei bann Horit e etabli zot dan zot plas, ziska ozordi.

Zenez 36:9

La bann desandan Ezai, papa bann Edomit ki reste dan bann montanny Seir.

Ezekyel 35:2

Ou ki en imen, tourn ver bann rezyon montanny Edonm e profetiz kont bann zabitan.