Deterononm 2:24 - Labib An Kreol Seselwa

²⁴ Apre, SENYER ti donn mwan sa lord: Kontiny zot vwayaz e travers larivyer Arnon. La, mon'n donn ou Sihonn, lerwa Amorit ki sorti Hesbonn, avek son pei antye. Atak li e konmans pran posesyon son pei.

Deterononm 2:24 Referans Kwoze

Danyel 4:17

Sa i desizyon bann lanz, rezolisyon bann sen, pour ki tou bann et vivan i konnen ki Bondye Toupwisan i met tou bann rwayonm imen. I donn larwayote avek sa ki i anvi, e i elev an dernyen parmi bann imen.

Danyel 2:38

Bondye in met dan ou lanmen tou bann imen, dan nenport landrwa kot zot reste. I'n donn ou dominasyon lo tou bann zannimo sovaz, ek bann zwazo dan lesyel. Ou ki sa latet annor.

Ezekyel 29:20

Mon donn li Lezip koman rekonpans akoz i'n travay pour mwan, Senyer BONDYE i deklare.

Zeremi 27:5

Mwan ki'n kre later, zonm ek bann zannimo ki viv lo later. Tou sa ki mon'n kree avek mon lafors e mon savwar fer, mon partaz li avek sa ki fer mwan plezir.

2 Kronik 36:23

La sa ki Siris, lerwa Lapers, i dir: SENYER, Bondye lesyel, in donn mwan tou bann rwayonm lo later. I'n ordonn mwan konstri en tanp pour li dan Zerizalenm, dan pei Zida. Bann parmi zot ki form parti son pep, ale; e ki SENYER, Bondye i avek zot.

Zozye 6:16

Apre setyenm letour, bann pret ti sonn zot tronpet. Zozye ti dir lepep: Kriy for, akoz SENYER in donn zot sa lavil.

Deterononm 2:36

Depi Aroer ki lo bor larivyer Arnon, ansanm avek sa lavil ki lo sa larivyer li menm, ziska Galaad, pa ti annan okenn sitadel tro o pour nou. SENYER, nou Bondye ti donn nou tou.

Esdras 1:2

La sa ki Siris, lerwa Lapers i proklanmen: SENYER, Bondye lesyel, in donn mwan lotorite lo tou bann rwayonm lo later. In ordonn mwan konstri en tanp pour li Zerizalenm, dan pei Zida.

Nonm 21:12

Apre, zot ti al kanp obor larivyer Zered.