Deterononm 2:23 - Labib An Kreol Seselwa

²³ Bann Avit ki ti'n viv dan bann kanpman pre avek Gaza, ti ganny detri par bann Kaftorit, ki ti sorti Kaftor, e etabli zot dan zot plas.

Deterononm 2:23 Referans Kwoze

Zozye 13:3

depi toran Sihor ki anfas avek Lezip, ziska frontyer avek Ekronn dan Nor, ki ganny konsidere koman teritwar bann Kananeen, e ki ganny okipe par senk sef rwayonm bann Filisten: Gaza, Asdod, Askelonn, Gat ek Ekronn, ensi ki teritwar bann Avit;

Zenez 10:14

Patros, Kaslou ek Kaftor, kot bann Filisten ti sorti.

Amos 9:7

La sa ki SENYER i deklare: Zabitan Izrael! Pa zot vo otan pour mwan ki bann Etyopyen? Pa mwan ki ti fer Izrael sorti Lezip, bann Filisten sorti Kaftor, ek bann Arameen sorti Kir?

Zeremi 47:4

Sa i akoz sa zour pe vini kan SENYER pou detri bann Filisten. Pa pou annan personn pour ed bann lavil Tir ek Sidon. SENYER pe fer ravaz kot bann zabitan Kaftor.

Zeremi 25:20

tou bann etranze ki viv Lezip; tou bann lerwa pei Ous e tou bann lerwa pei bann Filisten: Askelonn, Gaza, Ekronn, ek bann restan Asdod;

Akt de Zapot 17:26

Apartir en sel zonm, i'n kree tou bann nasyon dan lemonn e etabli zot lo later antye. Li menm ki davans in fikse letan egzakt e limit bann rezyon kot zot devre reste.

Zakari 9:5

Ler Askelonn pou war sa, i pou per. Gaza osi pou tranble dan lafreyer; Ekronn osi, akoz i pa ganny sipor ki i pe espere. Lerwa dan Gaza pou ganny touye. Personn pa pou vin reste Askelonn.

Sofoni 2:4

Gaza pou ganny abandonnen; Askelonn pou ganny detri; Zabitan Asdod pou ganny sase gran lizour; Ekronn pou ganny demoli.

1 Rwa 4:24

Salomon ti domin lo rezyon Was antye, tou dilon larivyer Efrat, depi Tifsa, ziska Gaza e tou bann lerwa dan sa rezyon ti soumet avek li. I ti viv anpe avek tou son bann vwazen.

1 Kronik 1:12

bann Patrousit, Kaslouhit, kot bann Filisten i sorti, ek bann Kaftorit.

Zenez 10:19

e zot teritwar ti pran depi Sidon dan direksyon Gerar, ziska Gaza, e dan direksyon Sodonm, Gomor, Adma ek Seboim, ziska Lesa.

Zozye 10:41

Zozye ti bat zot depi Kades Barnea ziska Gaza, depi rezyon Gosenn ziska Gabaon.

Zozye 11:22

Ti nepli annan okenn zean dan pei Izrael, sof dan Gaza, dan Gat e dan Asdod.

Zozye 15:47

Asdod, bann lokalite avek bann vilaz; Gaza avek bann lokalite avek bann vilaz, ziska larivyer Lezip, e ziska lakot Mediterane.

Ziz 1:18

Bann zonm Zida ti osi kaptir lavil Gaza avek tou son teritwar: Gaza, Askelonn, Ekronn, sakenn avek son teritwar.

2 Rwa 18:8

I ti atak bann Filisten ziska Gaza ek tou son teritwar, depi tour kontrol, ziska bann lavil fortifye.