Deterononm 15:9 - Labib An Kreol Seselwa

⁹ Fer atansyon ou pa gard dan ou leker bann move panse an dizan: Setyenm lannen, lannen pour efas bann det pe aprose. Pa get avek en move lizye ou prosen ki dan bezwen e refize donn li keksoz. Ou vwazen ava kriy ver SENYER kont ou e ou ava'n fer en pese.

Deterononm 15:9 Referans Kwoze

Deterononm 24:15

Ou ava pey li son saler tou le zour avan soley kouse, akoz i pov e i bezwen sa larzan pour viv. Si i kriy kont ou ver SENYER, ou ava pe komet en pese.

Matye 20:15

Eski mon napa drwa fer sa ki mon oule avek mon prop larzan? Oubyen, eski ou zalou, akoz mon bon?”

Let Zak 5:9

Mon bann frer! Pa bezwen plenny kont kanmarad, pour zot pa ganny zize. Ziz i pros pou aparet; i devan laport.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Egzod 22:23

Si ou maltret zot e ki zot kriy ver mwan, sirman mon pou antann zot.

Let Zak 5:4

La sa ki'n arive: Lapey bann zouvriye ki'n travay dan zot plantasyon, e ki pa'n ganny peye, pe kriye. Konplent bann ki fer zot rekolt in ariv ziska dan zorey Senyer liniver.

Matye 15:19

Annefe, dan leker i sorti tou bann move panse: Mert, adilter, lavi imoral, vole, fer kalonmni, ek medizans.

Proverb 28:22

En dimoun avar i prese pour li vin ris; i pa konnen ki lanmizer pour tap li.

Proverb 23:6

Pa manz dipen sa enn ki avar; pa anvi son bann bon pla.

Liv Zob 34:28

Alor, zot in pous bann pov pour kriy ver Bondye e i ti antann lapriyer sa bann malere.

Egzod 3:7

SENYER ti dir, “Mon'n byen war soufrans mon pep Lezip, e mon'n antann zot kriye anba kou bann sef latas. Mon konn zot soufrans.

1 Pyer 4:9

Pratik lospitalite ant zot san gronnyen.

Let Zak 4:17

Donk, sa enn ki konn fer sa ki byen me i pa fer li, i koupab; i komet en pese.

Let Zak 4:5

Zot krwar ki Lekritir i koz pour nanryen kan i deklare: Bondye i reklanm avek zalouzi, lespri ki i'n met dan nou.

Proverb 24:9

En dimoun bet i mazin touzour fer pese. Zonm i deteste sa enn ki ensolan.

Proverb 21:13

Sa enn ki bous son zorey ler en pov i kriye, pa pou ganny okenn larepons zour i ava kriye.

Proverb 4:23

Sirtou, vey lo ou leker, akoz i sours lavi.

Psonm 9:12

Bondye pa oubliy lapenn bann malere. I vanz sa enn ki fer krim.

Deterononm 15:1

Tou le 7 an, ou ava efas bann det.

Psonm 12:5

SENYER i deklare: Akoz bann pov in ganny kraze, akoz bann ki dan bezwen pe plennyen, mon pou pran aksyon. Mon pou protez zot parey zot demande.

Psonm 101:3

Mon pa pou get nanryen ki napa valer. Mon pou deteste fason fer bann ki egare. Zot pa pou annan nanryen pour fer avek mwan.

Egzod 22:22

Ou pa devre maltret en vev, ni en orfelen.

Deterononm 31:10

Moiz ti donn zot sa lord: Tou le setyenm lannen, letan ki'n ganny fikse pour efas bann det pandan lafet Latant,

Proverb 14:21

Sa enn ki mepriz son prosen i komet en pese; Byennere sa enn ki bon anver en pov.

Zeremi 34:14

Tou le 7 an, zot pou liber zot frer Ebre ki zot ti'n aste koman lesklav e ki'n servi zot pandan 6 an. Me ou bann zanset pa ti ekout mwan e zot ti bous zot zorey.