Deterononm 14:7 - Labib An Kreol Seselwa

⁷ Me la sa bann ki ou pa pou manze, parmi bann ki riminen e bann ki annan sabo fann an de: Samo, lyev, daman. Zot riminen, me zot sabo pa fann an de; zot ava ganny konsidere enpir.

Deterononm 14:7 Referans Kwoze

Let Pol pour bann Tit 1:16

Zot dir ki zot konn Bondye, me zot bann aksyon i prouv tou lekontrer. Zot detestab, dezobeisan e zot pa kapab fer nanryen ki bon.

2 Timote 3:5

Zot pou fer sanblan ki zot fidel anver Bondye; me zot pou rezet son vre pwisans. Pa asosye ou avek bann dimoun parey.

Matye 7:26

Me en dimoun ki ekout mon bann parol e ki pa met zot an pratik, pou parey en zonm fou ki konstri son lakaz lo disab.

Levitik 11:5

Daman, ki rimin son manze, me i napa sabo fann an de; ou ava konsider li koman enpir.

Levitik 11:3

Zot ava kapab manz bann zannimo ki annan sabo fann an de e ki rimin zot manze.

Deterononm 14:6

Ou ava kapab manz tou zannimo avek sabo ki fann an de e ki riminen.

Deterononm 14:8

Ou pa pou manz koson; son sabo i fann an de, me i pa riminen; i enpir. Ou pa pou manz zot lavyann, ni tous zot kadav.

Levitik 11:6

Lapen, ki rimin son manze, me i napa sabo fann an de; ou ava konsider li koman enpir.