Biblia Todo Logo
Bib sou entènèt

- Piblisite -




Deterononm 12:3 - Labib An Kreol Seselwa

3 Kas zot bann lotel, kraz zot bann ros sakre, bril bann poto sakre Asera, kas bann stati zot bann bondye. Konmsa, zot ava fer disparet non sa bann bondye dan tou sa bann landrwa.

Gade chapit la Kopi




Deterononm 12:3
25 Referans Kwoze  

Lo zot kote, zot pa pou fer okenn lalyans avek bann zabitan sa pei; zot ava kraz zot bann lotel. Me zot pa ti obei mwan. Ki zot in fer la?


zot ava sas tou bann zabitan sa pei, detri tou zot bann fo bondye an pyer oubyen an feray e tou zot landrwa sakre.


La sa ki SENYER liniver i deklare: Mon pou debaras pei avek non bann zidol e personn pa pou mazin zot ankor. Mon pou osi debaras pei avek bann profet ek zot lanvi enpir.


Dimoun ki swazir en lot bondye pou konn en kantite soufrans. Mon pa pou pran par dan zot bann sakrifis disan. Zot non pa pou sorti dan mon labous.


Me la ki mannyer ou pou azir avek sa bann nasyon: Demoli zot bann lotel, kraz zot bann ros sakre, kas zot bann ros sakre, bril zot bann stati.


Ekout byen tou sa ki mon'n dir zot. Pa zanmen envok non okenn lezot bondye; pa ni menm mansyonn zot non.


Apre sa, mon ti war en bebet ki ti monte sorti dan lanmer. I ti annan dis korn ek set latet. Lo sak korn, ti annan en kouronn e lo sa bann latet, ti annan bann non blasfenm kont Bondye.


Mon pou detri ou bann poto sakre kot ou e kraz ou bann lavil.


Mon pou fer disparet non Baal dan son labous. Zot pa pou mansyonn sa non ankor.


Parey zot koz lo zot zanfan, zot koz lo zot lotel ek bann poto sakre, bann Asera, anba bann pye dibwa ki ranpli ek verdir, lo oter bann kolin.


Dan wityenm lannen renny Zosyas, alor ki i ti ankor en zenn garson, i ti konmans aprann lavolonte Bondye parey David, son zanset. Dan douzyenm lannen son renny, i ti konmans debaras Zerizalenm ek rwayonm Zida avek bann landrwa sakre, bann poto sakre ek tou bann stati an bwa e an metal.


Kan lafet ti fini, tou Izraelit ki ti prezan, ti al dan bann lavil Zida. Zot ti demoli bann ros sakre ki ti'n ganny plase. Zot ti kraz bann ros sakre e detri tou bann landrwa sakre avek zot bann lotel partou dan Zida ek Benzamen, dan Efraim ek Manase. Apre, tou bann Izraelit ti al se zot dan zot prop lavil, sakenn dan son propriyete.


Pourtan i annan bon keksoz ki ou'n fer: Ou'n fer disparet dan pei bann poto sakre Asera e ou'n deside servi Bondye avek tou ou leker.”


I ti kraz bann kolonn sakre, koup bann poto sakre Asera e ranpli landrwa kot zot ti ete avek lezo imen.


I ti fer disparet bann landrwa sakre, koup bann poto sakre e kraz an morso serpan an bronz ki Moiz ti'n fer, akoz ziska aprezan, pep Izrael ti pe bril lansan devan li. Zot ti pe apel li Nehoustann.


I ti osi aras Larenn Mer son granmanman Maaka son tit, akoz i ti'n fer en stati pour Asera. Asa ti demoli sa zidol e bril li kot larivyer Sedron.


I ti fer disparet bann lotel lezot bondye ek bann landrwa sakre. I ti kraz zot ros pilye e koup zot bann ros sakre.


Ou pa pou prostern devan zot bondye, ni ador zot, ni swiv zot bann pratik. O kontrer, ou ava detri zot konpletman e kas zot bann pilye sakre an pti morso.


Ou ava detri zot bann lotel, kas zot bann pilye e koup zot bann ros sakre.


Ou ava bril zot bann stati ek zot bann bondye. Pa les ou ganny tante par larzan oubyen lor ki kouver zot, akoz zot kapab vin en pyez pour ou; zot degoutan devan SENYER, ou Bondye.


Zot pa pou ador SENYER, zot Bondye parey lezot nasyon.


SENYER pou frap Izrael. I pou parey en tiz ki balanse dan delo; i pou aras Izrael dan sa bon teritwar ki i'n donn son bann zanset, e i pou dispers li lo lot kote larivyer Efrat, akoz zot in provok lakoler SENYER avek bann ros sakre ki zot in fer.


Alor, lepep ti antre dan tanp Baal ki zot ti demoli e kraz tou lotel ek son bann stati. Zot ti touy Matann, pret Baal, devan bann lotel. Pret Yoyada ti nonm bann gard dan tanp SENYER.


Konmsa ki pese Zakob pou ganny efase. La rezilta pardon son pese: Tou bann ros ki ti servi pour fer bann lotel avek pou ganny kraze e vin koman lapousyer. Tou bann poto sakre, oubyen bann lotel lansan, pou disparet.


Asa ti fer sa ki drwat e byen; i ti fer plezir SENYER, son Bondye.


Swiv nou:

Piblisite


Piblisite