Deterononm 1:30 - Labib An Kreol Seselwa

³⁰ SENYER, zot Bondye ki pe mars devan zot. Li menm ki pou konbat dan zot plas, parey i ti fer devan zot, Lezip.

Deterononm 1:30 Referans Kwoze

Egzod 14:14

SENYER pou lager pour zot. Zot, zis reste trankil.”

Nehemi 4:20

Depi landrwa kot ou ava antann son tronpet, vin rasanble pre avek nou. Nou Bondye ava konbat pour nou.”

Romen 8:37

Pourtan, dan tousala, nou sorti gran venker, gras a sa enn ki'n kontan nou.

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

Deterononm 3:22

Pa bezwen per zot, akoz SENYER, zot Bondye pou konbat pour zot.

Psonm 46:11

SENYER liniver i avek nou; Bondye Zakob i nou labri.

Zozye 10:42

Zozye ti kaptir tou sa bann lerwa e pran posesyon tou zot teritwar en sel kou, akoz SENYER Bondye Izrael ti pe lager pour Izrael.

2 Kronik 32:8

Avek li, i annan zis lafors imen, me SENYER, nou Bondye i avek nou. Li menm nou sekour e i pou konbat dan nou plas. Parol Ezekyas, lerwa Zida, ti donn konfyans lepep.

Egzod 14:25

I ti blok larou zot kales lager; zot ti ganny difikilte pour avanse. Alor, bann Ezipsyen ti dir, “Annou sove pour sap bann Izraelit, akoz SENYER pe konbat kont Lezip pour zot.”

Deterononm 1:29

Mon ti dir zot: Pa tranble, pa per zot.

Zozye 10:14

Zanmen avan, ni apre, in deza annan en zour parey sa, kot SENYER in ekout en zonm. Annefe, SENYER ti pe lager pour Izrael.

Zozye 23:3

Zot menm, zot in war tou sa ki SENYER, zot Bondye in fer avek tou sa bann nasyon akoz zot. SENYER, zot Bondye ki'n konbat pour zot.

Nehemi 4:14

Apre ki mon ti'n egzamin bann pozisyon, mon ti dir avek bann sef, bann mazistra e lepep antye, “Pa bezwen per zot. Mazin SENYER ki gran e terib. Zot pe konbat pour zot bann frer, zot bann garson, zot bann fiy, zot bann fanm e pour zot prop lakaz.”

Egzod 10:21

SENYER ti dir Moiz, “Lev ou lanmen ver lesyel pour ki i ava annan en fernwanr epe partou dan Lezip.”

Egzod 19:4

Zot in war sa ki mon ti fer avek Lezip: Mon ti anmenn zot, parey en leg i anmenn son piti lo son lezel, e mon'n fer zot retourn kot mwan.

Deterononm 4:34

Eski i annan en bondye ki'n deza esey swazir en nasyon pour li, parmi lezot nasyon, par bann leprev, bann siny, bann mervey ek bann lager; avek son pouvwar ek son lafors e par bann aksyon gran e ekstraordiner? Non, me SENYER, zot Bondye in fer zot dan lesklavaz Lezip, parey zot in war avek zot prop lizye

Deterononm 7:18

Pa per zot! Zis mazin sa ki SENYER, ou Bondye ti fer Faraon ek Lezip antye,

Deterononm 11:3

Ou'n war bann siny ek bann mervey ki i ti fer kont Faraon, lerwa Lezip e dan son pei antye.

Deterononm 29:2

Moiz ti konvok pep Izrael antye. I ti dir zot: Zot in war avek zot lizye tou sa ki SENYER in fer Faraon, son bann serviter ek son pei antye.

Deterononm 31:3

SENYER, ou Bondye ava li menm mars devan ou. I pou detri bann nasyon devan ou e ou ava pran posesyon zot pei. Zozye ava osi diriz ou, parey SENYER in promet.

Deterononm 34:11

Ti napa personn koman li par ki SENYER ti anvoy fer bann siny ek bann mervey dan pei Lezip, kont Faraon ek tou son bann serviter dan pei antye.