Deterononm 1:29 - Labib An Kreol Seselwa

²⁹ Mon ti dir zot: Pa tranble, pa per zot.

Deterononm 1:29 Referans Kwoze

Nonm 14:9

Selman, pa revolte kont SENYER e pa per bann zabitan sa pei. Nou pou bat zot en sel kou. SENYER i avek nou, zot nepli annan proteksyon. Alor, pa bezwen per zot.

Deterononm 1:28

Kote nou pe ale? Nou bann frer in dekouraz nou. Zot ti dir nou ki sa pep i pli for e pli gran ki nou; bann lavil i gran e bann fortifikasyon i monte ziska lesyel; ki zot in menm war bann desandan zean.

Deterononm 1:30

SENYER, zot Bondye ki pe mars devan zot. Li menm ki pou konbat dan zot plas, parey i ti fer devan zot, Lezip.

Deterononm 31:6

Reste for e pran kouraz! Pa bezwen ni per ni tranble devan zot, akoz SENYER, ou Bondye pe mars avek ou; i pa pou deles ou ni abandonn ou.

Nehemi 4:14

Apre ki mon ti'n egzamin bann pozisyon, mon ti dir avek bann sef, bann mazistra e lepep antye, “Pa bezwen per zot. Mazin SENYER ki gran e terib. Zot pe konbat pour zot bann frer, zot bann garson, zot bann fiy, zot bann fanm e pour zot prop lakaz.”

Deterononm 7:18

Pa per zot! Zis mazin sa ki SENYER, ou Bondye ti fer Faraon ek Lezip antye,

Deterononm 20:1

Ler ou sorti pour al lager kont ou bann lennmi e ou ava war en kantite seval ek kales lager, en larme pli gran ki pour ou, ou napa nanryen pour per, akoz SENYER, ou Bondye ki'n fer ou sorti Lezip, i avek ou.

2 Kronik 20:15

Yazyel ti dir: Pep Zida ek zabitan Zerizalenm, e osi lerwa Zozafat! Ekoute! La sa ki SENYER i deklare: Pa bezwen per, pa les sa gran larme fer ou per, akoz Bondye ki pou konbat pour ou.

Nehemi 4:8

Zot ti fer konplo ansanm pour vin atak Zerizalenm e fer dega dan lavil.