Deterononm 1:15 - Labib An Kreol Seselwa

¹⁵ Alor, mon ti pran zot bann sef tribi, bann zonm saz, eksperyanse e enstal zot koman zot sef: Sef 1,000, sef 100, sef 50, sef 10, ek bann zofisye ki pou ansarz sak tribi.

Deterononm 1:15 Referans Kwoze

Deterononm 16:18

Ou ava nonm bann ziz ek bann mazistra dan sak tribi, dan tou zot bann lavil ki SENYER, ou Bondye pou donn ou. Zot ava ziz lepep dapre lazistis.

Efezyen 4:11

Li menm ki'n etabli serten koman zapot, ouswa koman profet; serten pour anons Bonn Nouvel, serten koman paster, oubyen serten koman ansennyan.

1 Samyel 22:7

Sail ti dir avek zot, “Ekout byen, bann Benzamit! Eski garson Zese, ava donn sakenn zot propriyete ek plantasyon rezen? Eski i pou fer zot tou vin sef 1,000 ek sef 100?

1 Samyel 17:18

Anmenn osi dis fromaz pour zot sef 100. Pran zot nouvel e anmenn keksoz pour montre mwan ki zot port byen.

1 Samyel 8:12

I pou nonm en bann koman sef 1,000 e sef 50. I pou pran en bann pour kiltiv son plantasyon, e rekolte son bann prodwi; en lot bann pou travay dan fabrikasyon zarm lager ek bann lekipman pour kales.

Nonm 31:14

Moiz ti pran lakoler kont sa bann komandan larme: Bann sef 1,000 ek sef 100 ki ti'n retournen sorti lager.

Egzod 18:21

Ou ava swazir bann zonm kapab parmi lepep, bann zonm ki annan respe pour Bondye, bann zonm ki ou kapab fer konfyans e ki pa malonnet. Plas zot koman sef group 1,000, 100, 50 ek group 10.

Nonm 1:4

Pran avek ou, en zonm dan sak tribi, sef dan fanmir son klan.

Deterononm 1:14

Zot ti reponn mwan: Sa plan ki ou'n propoze i bon.

Deterononm 1:16

Alor, mon ti osi demann bann ziz: Ekout zot bann frer e ziz sakenn dapre lazistis, ki swa sitwayen oubyen rezidan etranze.

Egzod 24:1

SENYER ti dir Moiz, “Mont kot SENYER lo montanny avek Aaron, Nadab, Abihou ek 70 ansyen parmi pep Izrael. Zot ava prosternen depi en bon distans.