Danyel 7:7 - Labib An Kreol Seselwa

⁷ Apre sa, mon ti kontinyen regard tou sa ki ti dan mon vizyon dan lannwit. Mon ti war en katriyenm bebet. I ti terib e fer per. I ti annan en lafors ekstraordiner. I ti annan bann gran ledan an fer e i ti pe devor tou, kas tou an morso, e kraz anba son lipye tou sa ki reste. I ti diferan avek lezot bebet avan li. I ti annan dis korn.

Danyel 7:7 Referans Kwoze

Revelasyon 13:1

Apre sa, mon ti war en bebet ki ti monte sorti dan lanmer. I ti annan dis korn ek set latet. Lo sak korn, ti annan en kouronn e lo sa bann latet, ti annan bann non blasfenm kont Bondye.

Revelasyon 12:3

Answit, en lot siny ti aparet dan lesyel: En gro dragon, rouz koman dife, ki ti annan set latet ek dis korn. Lo sak latet ti annan en kouronn.

Revelasyon 17:12

Sa dis korn ki ou'n war, i dis lerwa ki pa ankor konmans rennyen. Me zot pou ganny pouvwar pour renny en erdtan ansanm avek sa bebet.

Revelasyon 17:7

Me lanz ti dir mwan: Akoz ou etonnen? Mon ava dir ou sinifikasyon sekre sa fanm ek sa bebet ki i pe asiz lo la, ki annan set latet ek dis korn.

Danyel 8:10

I ti dres li kont larme lesyel. I ti zet ater en parti larme ek bann zetwal e i ti pil lo zot.

Danyel 7:13

Dan mon bann vizyon pandan lannwit, mon ti war arive avek bann nyaz dan lesyel, enn ki ti resanble en zonm. I ti apros ver sa Vyeyar; zot ti anmenn li dan son prezans.

Danyel 7:2

Mwan, Danyel, dan mon vizyon, dan lannwit, mon ti war sa kat divan dan lesyel pe azit sa gran lanmer.

2 Samyel 22:43

Mon kraz zot parey lapousyer ki pe anvole dan divan. Mon mars lo zot parey labou lo semen.

Revelasyon 17:8

Sa bebet ki ou'n war, ti deza vivan, me i nepli. I pou monte e sorti dan labim, me i pou al ganny detri. Bann zabitan later ki zot non pa ankor ganny ekri dan liv lavi depi avan kreasyon lemonn, pou etonnen war sa bebet, akoz i ti deza vivan e aprezan i nepli. Me i pou aparet ankor.

Ezekyel 40:2

Dan bann vizyon, Bondye ti transport mwan dan pei Izrael. I ti depoz mwan lo latet en montanny byen o. Lo son kote Sid, ti annan sa ki parey bann konstriksyon en lavil.

Danyel 2:19

Sa menm swar, sa rev mister ti ganny revele avek Danyel dan en vizyon. Danyel ti remersye Bondye ki dan lesyel.

Liv Zob 41:14

Lekel ki'n deza fors li ouver son lanmaswar? Garni avek son bann ranze ledan i fer per.

Danyel 8:22

Sa kat korn ki ti pouse dan plas sa korn kase, i kat rwayonm ki pou ganny etabli parmi sa nasyon, me zot pou napa lafors sa enn avan.

Zakari 2:1

Mon ti ganny en vizyon. Mon ti war en zonm avek en latres dan son lanmen.