Danyel 11:7 - Labib An Kreol Seselwa

⁷ Enn parmi son desandans pou pran son plas. I pou monte avek en larme e penetre defans lerwa Nor. I pou atake e ganny laviktwar.

Danyel 11:7 Referans Kwoze

Levanzil dapre Lik 12:20

Me Bondye ti dir li: Enbesil! Tanto menm ou pou bezwen rann kont ou lavi. Lekel ki pou ganny tou sa ki ou'n anmase?”

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Ezekyel 17:18

I pa'n respekte son promes, akoz in kas lalyans apre ki i ti'n fer en serman; i pa pou kapab sove.

Zeremi 12:2

Ou'n plant zot e zot in pran rasin; zot grandi e zot prodwi bann fri. Zot touzour pe dir dibyen lo ou. Selman, zot leker i lwen avek ou.

Ezai 11:1

En bourzon ava sorti dan tron Zese, en brans ava sorti dan son rasin.

Ezai 9:14

Alor dan en sel zour, SENYER in koup latet ek lake Izrael, brans palm ek banbou.

Psonm 109:8

Fer son lavi ganny rakoursi e les en lot ranplas li.

Psonm 55:23

Me ou, Mon Bondye! Ou ava fer sa bann malfeter desann dan lemonn lanmor. Sa bann kriminel, sa bann tret pa pou viv lanmwatye zot lavi. Me mwan, mon kont lo ou.

Liv Zob 14:7

Pour en pye dibwa, i annan lespwar: Si ou koup li, i pou repouse; son bann brans pou bourzonnen.

Danyel 11:6

Apre detrwa lannen, zot pou etabli en lalyans: Fiy lerwa Sid pou marye avek lerwa Nor, pour etabli sa lakor. Me i pa pou gard son pouvwar e son mari pa pou viv, ni son garson. I pou ganny touye avek son papa ek son mari, ansanm avek son lantouraz.

Danyel 11:40

Kan letan lafen pou arive, lerwa Sid pou atak li. Me, lerwa Nor pou atak li avek kales lager, bann kavalye e avek bokou bato. I pou penetre dan bokou pei e travers zot frontyer parey en lavalas.