Danyel 10:7 - Labib An Kreol Seselwa

⁷ Zis mwan, Danyel, ki ti war sa vizyon. Bann zonm ki ti avek mwan pa ti war sa vizyon, me zot ti ganny en gran lafreyer e zot ti sove pour al kasyet.

Danyel 10:7 Referans Kwoze

Akt de Zapot 9:7

Bann zonm ki ti pe vwayaz avek Sol ti arete. Zot pa ti kapab dir en mo. Zot ti antann lavwa, me zot pa ti war personn.

Akt de Zapot 22:9

Bann dimoun ki ti avek mwan ti war lalimyer, me zot pa ti antann lavwa sa enn ki ti pe koz avek mwan.

Zenez 3:10

Sa zonm ti reponn, “Mon ti antann ou dan zarden, mon ti per, akoz mon ti touni. Alor, mon'n al kasyet.”

Ebre 12:21

Sa spektak ti sitan terib, ki Moiz ti dir: Mon tranble avek lafreyer.

Ezai 2:10

Al dan bann kap ros e kasyet zot anba later, lwen avek lafreyer SENYER, lwen avek laglwar son pwisans.

Ezekyel 12:18

Ou ki en imen, ou pou manz an tranblan e bwar avek lafreyer ek lenkyetid.

Zeremi 23:24

Personn pa kapab zwe avek mwan ki mon pa pou war li. Eski ou pa konnen ki mon partou dan lesyel e lo later? SENYER i deklare.