Amos 8:9 - Labib An Kreol Seselwa

⁹ La sa ki Senyer BONDYE i deklare: Sa zour la, mon pou fer soley kouse midi, e lannwit pou vin lizour lo later.

Amos 8:9 Referans Kwoze

Mark 15:33

Depi midi ziska 3 er, fernwanr ti fer partou lo later.

Matye 27:45

Apartir midi, pei antye ti dan fernwanr pandan 3 erdtan.

Levanzil dapre Lik 23:44

Ver midi, partou dan pei ti fernwanr ziska 3 er apremidi.

Zeremi 15:9

Sa manman ki ti'n fer set zanfan in perdi konnesans; i pe mank respirasyon. Son lalimyer in sanz an fernwanr. In ganny kouver avek laont; in perdi son loner. Mon pou les lennmi touy tou sa ki ankor vivan, SENYER i deklare.

Matye 24:29

“Deswit apre sa letan ladetres, soley pou aret klere, lalin pou nepli donn son lalimyer, bann zetwal pou tonbe sorti dan lesyel e bann pwisans dan lesyel pou dekontrole.

Mise 3:6

Pour sa rezon, lannwit pou tonm lo zot. Zot pa pou ganny okenn vizyon ankor. Fernwanr pou tonm lo zot san revelasyon ankor. Soley pou kous lo sa bann profet: Lizour, zot pou dan fernwanr.

Amos 5:8

SENYER ki ti kree bann zetwal: Pleyad ek Orion. SENYER i sanz lannwit e fer li vin lizour e lizour vin lannwit. I apel delo lanmer e devers li lo later. SENYER i son non.

Ezai 13:10

Annefe, bann zetwal ek zot bann konstelasyon pa pou donn okenn lalimyer. Soley leve pou sonm e lalin pa pou donn son laklerte.

Liv Zob 5:14

Dan gran lizour, zot bite dan fernwanr. Zot tat zot semen dan gran lizour, konmsi aswar.

Amos 4:13

Bondye i sa enn ki form bann montanny e kree divan. I revel son bann plan avek bann imen. I fer lizour vin lannwit. I mars lo bann oter. Son non: SENYER, Bondye liniver.

Revelasyon 8:12

Katriyenm lanz ti soufle dan son tronpet. En tyer soley ti ganny afekte, avek en tyer lalin e en tyer bann zetwal; zot ti perdi en tyer zot laklerte. Lizour ti perdi en tyer son lalimyer e lannwit parey.

Revelasyon 6:12

Kan Zenn Mouton ti ouver sizyenm sele, mon ti gete: Ti annan en gran tranblemandter. Soley ti vin nwanr koman en lenz dey; lalin antye ti vin rouz koman disan.

Zeremi 13:16

Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Ezekyel 32:7

Kan ou pou ganny tennyen, mon pou kouver lesyel e fer vin sonm bann zetwal. Mon pou kouver soley avek en nyaz e lalin pou nepli donn son lalimyer.

Zakari 14:7

Sa zour ki zis SENYER i konnen, pa pou annan ni lizour, ni lannwit e kan lannwit pou tonbe, i pou reste kler.