Amos 8:5 - Labib An Kreol Seselwa

⁵ Zot dir dan zot menm: I'n ler pour lafet nouvellin fini! Konmsa, nou ava kapab vann nou prodwi. I'n ler pour saba terminen! Konmsa, nou ava kapab ouver nou sak dible. Nou ava diminyen lo mezir, nou ava ogmant pri e fos bann balans.

Amos 8:5 Referans Kwoze

Oze 12:7

Parey bann Kananeen, Efraim i kontan servi fo balans, i kontan fer frod.

Levitik 19:36

Ou bann balans ek ou bann pwa, devret zis; ou bann mezir devret zis. Mwan menm SENYER ou Bondye ki'n fer ou sorti Lezip.

Ezai 1:13

Aret anmenn bann lofrann i initil. Loder lansan i degoutan. Mon nepli kapab siport zot bann lafet nouvellin; bann saba e bann konvokasyon solannel ki melanze avek mesanste.

Proverb 20:23

SENYER i deteste bann pwa ki'n ganny fose; bann balans fose pa en bon zafer.

Proverb 16:11

Bann balans ek bann mezir zis i pour SENYER ki'n fikse valer bann pwa.

Proverb 11:1

SENYER i deteste en balans ki'n fose; me en pwa ki zis, i fer li plezir.

2 Rwa 4:23

Son mari ti demann li, “Akoz fodre ki ou al war li ozordi? I pa ni nouvellin, ni saba.” I ti reponn, “Tou i byen.”

Nonm 10:10

Dan bann lokazyon lafet parey nouvellin ek lezot lafet relizye, zot devre soufle bann tronpet pandan ki zot ofer zot sakrifis konplet, oubyen sakrifis remersiman. Konmsa, sa bann son tronpet ava en rapel pour zot devan zot Bondye. Mwan menm SENYER zot Bondye.

Ezai 58:13

Si ou vey ou lepa pandan saba; si ou pa okip ou prop zafer dan mon zour sakre; si ou fer saba ou plezir e ou respekte sa zour sakre SENYER; si ou onor sa zour e pa fer ou prop volonte, ni fer ou prop zafer, e evit fer bann konversasyon initil,

Kolosyen 2:16

Pa les personn pas zizman lo zot konsernan sa ki zot manze oubyen bwar, konsernan bann zour lafet, nouvellin oubyen bann saba.

Malasi 1:13

Zot osi oze dir: Tousala i fatigan, e zot lev nennen avek mwan. Zot menm ofer sakrifis zannimo vole, malad oubyen andikape. Eski mon kapab aksepte sa, sorti kot zot? SENYER ki deklare.

Egzod 31:13

Ou menm, koz avek pep Izrael: Sirtou zot devre obzerv mon bann saba, akoz sa i en siny ant mwan ek zot, zenerasyon apre zenerasyon, pour zot konnen ki mwan, SENYER, ki konsakre zot.

1 Samyel 20:5

David ti reponn li, “Demen i lafet nouvellin. Mon devre al manz avek lerwa. Me les mwan ale. Mon ava al kasyet dan lakanpanny ziska trwazyenm swar.

Zakari 5:6

Mon ti demande, “Kisisa?” I ti reponn mwan, “Sa i en pannyen ki pe avanse. I kontenir zot pese dan pei antye.”

Zakari 5:8

Lanz ti dir, “Sa i en mesanste.” Alor, i ti pous sa fanm dan fon pannyen e zet sa kouvertir diplon lo sa pannyen.

Oze 12:8

Efraim i dir: Mon ris, mon'n fer en fortin. Me mon pa'n fer nanryen mal; mon pa'n fer okenn fot ki en pese.