Amos 8:2 - Labib An Kreol Seselwa

² SENYER ti demann mwan, “Amos, ki ou war?” Mon ti reponn “En pannyen fri mir.” Alor, SENYER ti dir mwan: Letan lafen pour mon pep Izrael, in arive. Mon pa pou eparny li.

Amos 8:2 Referans Kwoze

Amos 7:8

SENYER ti poz mwan sa kestyon: Amos, ki ou war? Mon ti reponn, “En filaplon.” Alor, SENYER ti dir mwan, “Mon pe servi sa filaplon pour montre mon pep ki i parey en miray ki pa daplon. Mon pa pou eparny li.

Lamantasyon 4:18

Nou pa ti kapab sorti dan semen, akoz lennmi ti pe espyonn lo nou. Nou lafen ti pros; nou zour ti'n ganny konte. Lafen nou lavi ti'n arive.

Mise 7:1

Gran maler lo mwan! Mon'n vin parey sa enn ki, apre rekolt fri lete, apre ki lasezon rezen in fini, napa en sel grap pour manze, ni en sel fig kont sezon ki mon kontan.

Zakari 5:2

Lanz ti demann mwan, “Ki ou war?” Mon ti reponn, “Mon war en roulo ki pe anvole. I nef met longer e kat met senkant larzer.”

Ezekyel 12:23

Alor, dir zot: La sa ki Senyer BONDYE i deklare: Mon pou fer arete sa proverb; i pa pou ganny repete ankor dan pei Izrael. Dir zot o kontrer, letan pe arive pour tou vizyon ganny akonpli.

Ezekyel 8:17

I ti dir mwan, “Ou ki en imen, ou'n war sa? I pa ase ki zabitan Zida i komet sa bann keksoz degoutan isi? Eski zot bezwen ranpli sa pei avek vyolans pour provok mon lakoler plis ankor? Pour ensilte mwan, zot met en brans anba mon nennen.

Ezekyel 8:12

I ti demann mwan, “Ou ki en imen, eski ou'n war ki bann ansyen pep Izrael pe fer dan fernwanr, sakenn dan son lasal dekore avek bann zimaz? Zot dir: SENYER pa war nou, SENYER in abandonn pei.”

Ezekyel 8:6

Bondye ti dir mwan, “Ou ki en imen, ki ou war zot pe fer? Sa ki pep Izrael pe komet la, i bann pratik degoutan ki pou fer mwan reste lwen avek mon sanktyer. Me ou pou war keksoz ki pli degoutan.”

Ezekyel 7:6

Lafen pe vini, in arive. Maler pe vin tonm lo zot; la in arive!

Ezekyel 3:10

I ti dir mwan ankor, “Ou ki en imen, ouver gran ou zorey e ekout tou bann parol ki mon pou dir ou.

Ezekyel 3:7

Me, bann Izraelit pa pou oule ekout ou, akoz zot pa oule ekout mwan. Zot latet i dir e zot leker i fermen.

Zeremi 40:10

Mwan menm, mon pe enstal mwan isi Mispa, pour reprezant zot devan bann Babilonyen ki pe vini. Zot ava rekolte rezen, bann fri ek delwil. Gard sa bann rekolt an rezerv e enstal zot dan bann lavil ki zot pe okipe.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Ezai 28:4

E sa fler sek ki ti ornman son labote ki lo latet sa enn ki gonfle avek manze gra, pou parey en fig mir avan sezon. Premye ki war li i sot lo li e manz li deswit.

Ezekyel 29:8

Alor, la sa ki Senyer BONDYE i deklare: Mon pou anvoy lager kont ou e detri zonm koman zannimo.

Zenez 6:13

Alor, i ti dir Noe, “Mon'n deside met lafen avek tou. Later i ranpli avek vyolans akoz zonm. Mon pou detri zot ansanm avek later.

Amos 8:1

Senyer BONDYE ti montre mwan en pannyen fri mir dan en vizyon.

Oze 9:7

Sa zour in arive, zour rann kont in arive: Izrael pou konnen! Profet in vin fou, sa zonm ki'n ganny enspire pe rabase, akoz grander ou krim ek latak vyolan.