Amos 8:12 - Labib An Kreol Seselwa

¹² Zot pou al partou, en landrwa a en lot: Depi Sid a Was, depi Nor pei a Les, pour zot rod antann parol SENYER. Me zot pa pou trouve.

Amos 8:12 Referans Kwoze

Matye 12:30

Sa enn ki pa avek mwan i kont mwan. Sa enn ki pa rasanble avek mwan i disperse.

Danyel 12:4

Me ou, Danyel, gard sekre sa bann parol e kaste sa liv ziska letan lafen. Dan sa lepok, bokou pou esey konpran e zot konnesans pou ogmante.

Proverb 14:6

Sa enn ki ensolan i rod lasazes me i pa trouv li; pour en dimoun ki reflesi, ganny konnesans pa difisil.

Ezekyel 20:31

Menm aprezan, kan zot ofer sakrifis zot bann zanfan ki zot brile dan dife devan bann zidol, zot rann zot enpir. Pep Izrael! Zot krwar mon pou les zot konsilte mwan? Osi vre ki mon vivan, mon pa pou les zot konsilte mwan, Senyer BONDYE i deklare.

Ezekyel 20:3

Ou ki en imen, koz avek bann ansyen dan Izrael: La sa ki Senyer BONDYE i deklare: Akfer zot in vin konsilte mwan? Me osi vre ki mon vivan, mwan Senyer BONDYE mon deklare, mon pa pou les zot konsilte mwan.

1 Samyel 3:1

Sa zenn garson, Samyel, ti kontinyen servi SENYER anba sirveyans Eli. Dan sa lepok, mesaz sorti kot SENYER ti rar; i ti pa souvan kominik par vizyon.

Proverb 29:18

Ler napa okenn vizyon pour lavenir, lepep pa ganny kontrole; i ere sa enn ki obei lalwa.

Proverb 1:28

Alor, zot ava apel mwan, me mon pa pou reponn; zot pou rod mwan, me zot pa pou trouv mwan.

Oze 5:6

Avek zot bann troupo, zot pou al rod SENYER. Me zot pa pou trouv li, akoz in elwanny li avek zot.