Amos 7:5 - Labib An Kreol Seselwa

⁵ Alor, mon ti kriye: Senyer BONDYE, mon priy ou: Arete. Ki mannyer Zakob pou kapab sirviv? I telman pti!

Amos 7:5 Referans Kwoze

Psonm 85:4

Bondye nou Sover! Retabli nou. Renons ou lakoler kont nou.

Zoel 2:17

Zot bann pret ki servi SENYER! Lamante ant lotel ek laport sanktyer. Dir: SENYER! Sov ou pep! Pa les ou bann zanfan vin en laont parmi bann nasyon! Pa les bann nasyon dir: Oli zot Bondye?

Zeremi 30:19

Bann zabitan pou sant bann kantik remersiman; zot pou riye avek kontantman. Avek mon benediksyon, zot popilasyon pou ogmante, olye diminyen; Zot ava en pep ki ganny respekte; personn pou nepli mepriz li.

Ezai 10:25

Akoz dan en pti pe letan, mon pou aret ankoler kont ou e mon pou detri zot.

Ezai 1:9

Si SENYER liniver pa ti'n les detrwa sirvivan, nou ti ava'n pas parey lavil Sodonm, nou ti ava'n pas parey lavil Gomor.

Zakari 4:10

Sa enn ki'n mepriz letan bann pti keksoz, pou kontan kan i pou war sa pyer fondasyon dan lanmen Zorobabel! Sa set lalanp se lizye SENYER ki eksplor later antye.”

Nonm 14:19

Alor, pardonn fot sa pep dapre ou gran fidelite, parey ou'n pardonn zot depi zot in kit Lezip.”

Ezekyel 9:8

Pandan ki zot ti pe fer sa masak, mon ti reste tousel. Mon ti tonm lafas ater e plere, “A wi! Senyer BONDYE! Dan ou gran lakoler kont Zerizalenm, eski ou pou detri tou restan Izraelit?”