Amos 7:12 - Labib An Kreol Seselwa

¹² Amasya ti reponn Amos, “Sorti isi, ale! Profet! Sov dan pei Zida. Laba, ou ava kapab ganny ou lavi e profetize.

Amos 7:12 Referans Kwoze

1 Korentyen 2:14

Me zonm ki kont zis lo son bann fakilte imen, pa kapab aksepte bann verite ki Lespri Bondye i kominike. Pour li, sa i en lafoli; i pa kapab konpran, akoz zis Lespri ki kapab fer li disernen.

Matye 8:34

Alor, tou bann zabitan lavil ti sorti e al rankontre Zezi. Kan zot ti war li, zot ti sipliy li pour kit zot teritwar.

1 Samyel 9:9

Lontan dan pei Izrael, ler en dimoun ti oule konsilte Bondye, i ti dir: Annou al kot vwayan, sa ki nou apel profet ozordi.

1 Pyer 5:2

Pran byen swen troupo ki Bondye in konfye avek zot koman berze. Vey lo li, pa par obligasyon, me avek bonker, parey Bondye i oule. Pa fer li pour ganny larzan, me avek devouman.

Romen 16:18

Annefe, sa bann dimoun pa servi Kris, nou Senyer, me zot vant. Par zot bann zoli parol ek bann diskour flater, zot arive anbet dimoun ki lespri i senp.

Akt de Zapot 16:39

Zot ti vin demann eskiz. Apre, bann mazistra ti fer zot sorti dan prizon e sipliy zot pour kit lavil.

Levanzil dapre Lik 13:31

Pandan sa menm moman, detrwa Farizyen ti vin dir Zezi, “Pa reste isi, al dan en lot landrwa, akoz Herod i oule touy ou.”

Malasi 1:10

Ti ava preferab ki enn parmi zot ti ava ferm bann laport tanp e personn pa ti ava alim dife pour nanryen lo mon lotel, SENYER liniver i deklare. Zot pa fer mwan plezir, mon pa pou aksepte zot sakrifis, SENYER liniver ki deklare.

Amos 2:12

Me ou'n fer zot bwar diven alor ki zot pa ti devre bwar, e anpes bann profet koz lo mon non.

Ezekyel 13:19

Zot in dezonor mwan devan mon pep pour detrwa ponnyen lorz ek detrwa morso dipen. Par zot mansonz avek mon pep ki ekout zot, zot in touy dimoun ki pa merit lanmor e les viv sa bann ki pa devre viv.

Ezai 56:11

Me zot, zot en bann lisyen voras ki pa zanmen ase manze. Zot en bann berze ki pa konpran nanryen. Sakenn i swiv son prop semen, sakenn i rod zis son lentere.

Ezai 30:10

Zot dir avek bann vwayan: Aret ganny vizyon! E bann profet: Pa anons nou sa ki vre; dir nou keksoz ki gou, sa ki fer nou kontinyen reve.

2 Kronik 16:10

Asa ti ankoler avek sa profet; i ti fer ansenn li dan prizon. I ti ankoler akoz parol profet Hanani. Dan sa letan i ti osi vin kriyel anver serten dimoun dan pei.

1 Samyel 2:36

Sa ki ava reste dan ou fanmir pou vin prostern devan li pour demann li en pyes larzan ek en dipen ron. I pou dir: Silvouple donn mwan en plas travay avek bann pret, pour mwan ganny keksoz pour manze.

Amos 7:11

La sa ki Amos in dir: “Zeroboanm pou mor dan lager, e pep Izrael pou ganny deporte lwen avek zot pei.”