Amos 7:10 - Labib An Kreol Seselwa

¹⁰ Amasya ki ti pret dan lavil Betel, ti anvoy en rapor kot Zeroboanm, lerwa Izrael, pour dir: Amos pe fer konplo kont ou dan rwayonm Izrael. Son bann parol pou detri pei.

Amos 7:10 Referans Kwoze

Zeremi 38:4

Apre, bann zofisye ti dir lerwa, “Sa zonm i merit lanmor, akoz sa ki i pe dir, i dekouraz bann gerye ki pe reste dan lavil, e osi tou bann zabitan. Annefe, i pa pe rod boner sa pep, me plito son maler.”

Matye 21:23

Zezi ti antre dan Tanp e pandan ki i ti pe ansennyen, bann gran-pret ek bann ansyen parmi lepep, ti demann li, “Avek ki lotorite ou pe fer tousala? Lekel ki'n donn ou sa lotorite?”

1 Rwa 13:33

Malgre tousala, Zeroboanm pa ti abandonn son move semen. I ti swazir ankor bann pret pour bann landrwa sakre parmi lepep, nenport ki ti anvi vin pret dan bann landrwa sakre.

Akt de Zapot 24:5

Nou'n dekouver ki sa zonm i en nwizans, ki provok dezord parmi bann Zwif dan lemonn antye. Li menm, en sef sa parti Nazareen.

Akt de Zapot 7:54

Kan zot ti antann sa bann parol, bann manm Konsey ti pran en gran lakoler, e zot ti grens zot ledan kont Etyenn.

Akt de Zapot 5:28

“Pa nou ti'n defann zot strikteman koz ankor lo sa non? La zot in fann zot lansennyman dan Zerizalenm antye, e zot oule met responsabilite lanmor sa zonm lo nou.”

Levanzil dapre Lik 23:2

kot zot ti konmans akiz li. Zot ti dir, “Nou'n trouve ki sa zonm pe met troub dan nou nasyon. I defann nou pey taks Sezar, e i pe dir ki se li menm Mesi, en lerwa.”

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

1 Rwa 18:17

Kan i ti war Eli, Akab ti dir li, “Ou ki pe anmenn maler dan Izrael?”

Zenez 37:8

Son bann frer ti dir li, “Eski ou pou vreman vin nou lerwa? Oubyen, eski vreman ou pou annan dominasyon lo nou?” Zot ti deteste li plis ankor akoz son bann rev e mannyer i ti rakont zot.

Zeremi 36:16

Kan zot ti'n fini antann tou sa mesaz, zot ti get kanmarad avek lafreyer. Zot ti dir Barouk, “Nou bezwen raport tou sa bann parol avek lerwa.”

Amos 1:1

La bann parol Amos, en berze sorti Tekoa, dapre sa ki SENYER ti revel li konsernan rwayonm Izrael. Sa ti ariv 2 an avan tranblemandter, dan lepok lerwa Ozyas, lerwa Zida ek Zeroboanm, garson Zoas, lerwa Izrael.

Amos 3:14

Zour mon pou pini pep Izrael pour son bann krim, mon pou detri tou bann lotel ki dan Betel. Tou bann kwen lotel pou ganny kase e pou tonm ater.

Amos 5:5

Pa bezwen mont Betel. Pa al rod mwan Gilgal. Pa bezwen travers Berseba, akoz bann zabitan Gilgal pou al annegzil e Betel pou ganny detri.

Amos 7:11

La sa ki Amos in dir: “Zeroboanm pou mor dan lager, e pep Izrael pou ganny deporte lwen avek zot pei.”

Amos 5:10

Zot deteste sa enn ki akiz zot devan laport lavil; zot ay sa enn ki dir laverite.