Amos 6:2 - Labib An Kreol Seselwa

² Al lavil Kalne e get sa ki pe pase. Apre, al dan sa gran lavil Hamat, e desann Gat, kot bann Filisten. Eski zot vo plis ki sa bann rwayonm? Eski zot pei i pli gran ki pour ou?

Amos 6:2 Referans Kwoze

Nahoum 3:8

Niniv! Eski ou dan en meyer pozisyon ki lavil Teb, lavil antoure avek delo ki'n ganny konstri dan milye bann lebra larivyer Nil. Lanmer ti son defans e delo i en miray otour li.

2 Rwa 18:34

Oli bann bondye Hamat ek Arpad? Oli bann bondye Sefarvaim, bondye Hena ek bondye Iva? Eski zot in delivre Samari dan mon lanmen?

Zenez 10:10

Bann premye lavil dan son rwayonm ti Babel, Erek ek Akad, dan pei Sinear.

2 Kronik 26:6

Ozyas ti al lager kont bann Filisten, detri bann miray lavil Gat, Yabne ek Asdod. I ti konstri bann lavil dan Asdod e dan teritwar Filisten.

1 Samyel 17:4

En sanpyon ti sorti dan kan Filisten e avanse. I ti apel Golyat e i ti sorti Gat. I ti mezir plis ki 2.80 met.

2 Rwa 19:13

Oli lerwa Hamat, lerwa Arpad, lerwa lavil Sefarvaim, lerwa Hena oubyen lerwa Iva?

2 Rwa 17:30

Bann zabitan Babilonn ti fer Soukot-Benot; zabitan Kouta ti fer Nergal; zabitan Amat, ti fer Asima;

2 Rwa 17:24

Lerwa Asiri ti fer tou dimoun vini sorti Babilonn, Kouta, Ava, Amat ek Sefarvaim. I ti fer zot enstal zot dan bann lavil Samari, dan plas pep Izrael, e zot ti pran posesyon Samari e reste dan son bann lavil.

1 Rwa 8:65

Alor, Salomon ti profite pour selebre lafet avek pep Izrael antye ki ti'n rasanble, depi lantre Amat ziska larivyer Lezip. Zot ti fete pandan set zour devan SENYER Bondye.

1 Samyel 17:23

Letan i ti pe koz avek zot, sa sanpyon Filisten sorti Gat, ki ti apel Golyat, ti sorti dan ran bann Filisten, e repet menm parol ki i ti'n dir avan. David ti tande.

1 Samyel 5:8

Zot ti fer vin tou bann sef Filisten ki zot ti rasanble se zot e demande, “Ki nou pou fer avek Kof Bondye Izrael?” Bann sef ti reponn, “Fodre al depoz sa Kof Bondye Izrael Gat.” Alor, zot ti anmenn Kof Bondye Izrael Gat.

Zeremi 49:23

Lo size Damas, la sa ki SENYER ti deklare: Zabitan bann lavil Hamat ek Arpad i onte. Zot dan traka akoz zot in antann en move nouvel. Zot trouble parey en lanmer demonte ki enposib kalme.

1 Samyel 5:10

Alor, zot ti anvoy Kof Bondye Ekronn, me osito ki i ti ariv Ekronn, bann zabitan Ekronn ti met opozisyon. Zot ti kriye: Zot in anvoy Kof Bondye pep Izrael isi kot nou, zis pour fer nou ganny touye, nou avek nou pep.

2 Samyel 8:9

Toi, lerwa Hamat, ti tande ki David ti'n bat larme Adadezer.