Amos 5:1 - Labib An Kreol Seselwa

¹ Ekout sa parol, sa kantik dey ki mon pe sant lo ou, Izrael:

Amos 5:1 Referans Kwoze

Ezekyel 19:1

SENYER ti dir mwan sant en kantik dey pour bann prens ki gouvern Izrael.

Zeremi 9:17

La sa ki SENYER liniver i deklare: Get byen sa ki pe pase. Fer vin bann fanm ki abitye plere e lamante; swazir bann ki pli bon.

Zeremi 9:10

Mon pou lamante lo bann montanny e plere pour bann laplenn, akoz zot in ganny brile. Personn pa pase e nepli annan tapaz bann troupo. Zwazo ek zannimo sovaz in ale; pa reste nanryen.

Zeremi 7:29

La sa ki SENYER i deklare: Pep Zerizalenm! Koup zot seve long ki mark zot konsekrasyon. Zet li lo bann kolin; sant bann kantik dey, akoz SENYER, in rezet sa pep ki'n provok son lakoler.

Mise 2:4

Sa zour, zot pou met ou dan sanson. Zot pou sant en konplent kont ou: Nou'n ganny konpletman devaste. Zot in sezi tou teritwar mon pep. Ki pe arive? Zot in aras mwan tou! Nou later i ganny partaze ant zot.

Amos 5:16

Alor, la sa ki SENYER, Bondye liniver, SENYER i deklare: Dan bann semen lavil, dimoun pou antann zis bann kantik dey, ek bann kriye lafreyer dan bann plas piblik. Bann fermye pou ganny apele pour zot fer dey e bann fanm pou vin sant kantik dey.

Amos 4:1

Bann fanm dan montanny Samari, ki gra parey bann vas Basann, ekout sa parol: Zot ki maltret dimoun ki feb, ki kraz bann pov, e ki dir zot mari anmenn keksoz pour bwar,

Amos 3:1

Pep Izrael! Ekout parol ki SENYER i prononse kont ou, lo tou bann fanmir ki mon'n fer monte, sorti Lezip:

Ezekyel 32:16

Sa i en lamantasyon ki zot ava sante; bann fanm dan tou nasyon pou sant lo Lezip e lo son gran popilasyon. Senyer BONDYE ki deklare.

Ezekyel 32:2

Ou ki en imen, fer en konplent kont Faraon, lerwa Lezip. Dir li: Ou ti pran ou pour en lyon parmi bann nasyon; me ou ti parey en dragon dan lanmer. Ou ti debat dan ou gran larivyer; ou ti brouy delo avek ou lapat e ou ti fer labou.

Ezekyel 28:12

Ou ki en imen, sant en kantik dey lo lerwa Tir. Dir li: La sa ki Senyer BONDYE i deklare: Ou ti sa model laperfeksyon, ranpli avek lasazes, avek en labote parfe.

Ezekyel 27:2

Ou ki en imen, sant en kantik dey lo lavil Tir.

Ezekyel 26:17

Zot pou sant sa kantik dey pour ou: Gete! La ou'n ganny detri ou ki ti en lavil enportan. Ou'n disparet lo bor lanmer ou ki ti pwisan lo lanmer e ki ti fer tou dimoun per.

Ezekyel 19:14

Dife sorti dan son tron in bril tou son bann brans ek bann fri. I nepli annan okenn brans solid, pour fer baton rwayal. Sa poenm i ganny sante koman en kantik dey.

Zeremi 9:20

Mon ti dir: Zot bann fanm! Ekout sa ki SENYER i deklare: Ouver zot zorey pour resevwar parol ki sorti dan son labous. Aprann sa kantik avek zot bann fiy sa lamantasyon avek kanmarad.

Zeremi 9:9

Bann zans parey, pa mon pou bezwen fer zot rann kont? Pa mon pou bezwen tir mon vanzans lo en tel nasyon?

Zeremi 18:13

La sa ki SENYER i deklare: Alor, demann bann nasyon etranze si zot in deza tande ki en nasyon in azir parey Izrael.

Amos 8:14

Serten pou fer serman lo non bann fo bondye Samari. Zot pou dir: Par lavi bondye Dann! Par semen sakre ki al Berseba! Zot pou tonbe e pa pou zanmen releve.