Amos 4:6 - Labib An Kreol Seselwa

⁶ Mwan ki ti anvoy lafanmin dan tou zot lavil. Mon'n anpes bann vilaz ganny manze. Malgre sa, zot pa'n retourn ver mwan. SENYER ki deklare.

Amos 4:6 Referans Kwoze

Agze 2:17

La sa ki SENYER i deklare: Mon ti pini zot e detri tou sa ki zot ti'n prodwi; tou in fletri e pouri e ganny detri par lipou ek lagrel. Me zot pa'n retourn kot mwan, SENYER ki deklare.

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

Ezai 9:13

Lepep pa retourn ver sa enn ki'n pini li, i pa tourn ver SENYER liniver.

Revelasyon 2:21

Mon'n donn li letan pour abandonn son pese, me i pa oule repanti.

Oze 5:15

Mon pou ale, mon pou retourn kot mwan, ziska zot avoue ki zot koupab e rod mwan. Dan zot maler, zot pou retourn ver mwan.

Levitik 26:26

Mon pa pou donn zot dipen. Dis fanm ava kwi zot dipen dan en sel four. Manze pou ganny rasyonnen; zot ava manze, me zot pou ankor lafen.

Ezekyel 16:27

Alor, mon ti montre ou mon pwisans, mon ti koup ou provizyon, mon ti livre ou devan lapeti ou bann lennmi; menm bann fiy Filisten ti onte pour zot bann aksyon degoutan.

Ezai 26:11

SENYER! Ou lanmen in leve, me zot pa war. Kan zot ava war sa gran pasyon ki ou annan pour ou pep, zot ava kanmi. Dife ki'n ganny alimen pour bann lennmi ava bril zot.

Ezai 3:1

Aprezan, Senyer, SENYER liniver pou retir dan Zerizalenm e dan Zida tou resours. I pou priv zot avek manze ek delo,

2 Kronik 28:22

Pandan sa bann moman kritik, Akaz ti fer plis sakrilez kont SENYER.

2 Rwa 8:1

Elize ti'n dir avek sa fanm ki son garson ti'n mor e ki i ti'n redonn lavi, “Leve e ale avek ou fanmir; al reste dan nenport landrwa posib, akoz SENYER in anvoy lafanmin dan pei pour 7 an.”

2 Rwa 4:38

Elize ti retourn ankor Gilgal. Dan sa lepok, ti annan en gran lafanmin dan pei. En zour ki bann profet ti pe asiz devan li, Elize ti dir son serviter, “Met en gran marmit lo dife, e prepar en lasoup pour bann profet.”

1 Rwa 18:2

Alor, Eli ti al prezant li devan Akab. Lafanmin ti terib dan Samari.

1 Rwa 17:1

Eli, ki ti sorti Tisbit, enn bann zabitan Galaad, ti dir Akab, “Par SENYER Bondye Izrael ki vivan, mwan son serviter mon dir ou: Dan bann lannen ki pe vini, pou napa laroze, ni lapli ziska ler mon dir.”

Deterononm 28:38

Ou ava senm bokou lagrenn dan plantasyon, me ou pa pou rekolte bokou, akoz sotrel pou devor tou.

Zeremi 14:18

Kan mon al dan lakanpanny, mon war zis kadav dimoun ki'n ganny masakre. Kan mon retourn dan lavil, mon war dimoun ki pe mor lafen. Profet avek pret i vwayaz atraver pei; me zot pa konpran nanryen.

Ezekyel 14:21

Alor, la sa ki Senyer BONDYE i deklare: Kan mon pou anvoy kont Zerizalenm mon kat zizman terib: Lepe, lafanmin, bebet feros ek lepidemi pour fer disparet zonm koman zannimo,

Zoel 1:16

Manze pe disparet lanmenm la devan nou lizye. Lazwa ek boner in disparet dan tanp Bondye.

Levitik 26:23

Si malgre sa, zot pa retourn kot mwan, me zot kontinyen reziste,

Rit 1:1

Lepok ki Izrael ti ganny gouvernen par bann ziz, ti annan en lafanmin dan sa pei. En zonm Betlehenm dan Zida ti kit son pei e i ti al reste dan lakanpanny Moab, li, son fanm ek son de garson.

Ezai 9:12

Bann Arameen lo kote Les, bann Filisten lo kote Was, zot in devor Izrael avek lapeti. Malgre sa, lakoler SENYER pa'n kalme; son lanmen in reste touzour menasan.

Oze 11:5

Zot pa pou retourn Lezip, me en Asiriyen ki pou vin zot lerwa, akoz zot in refize retourn kot mwan.