Amos 4:5 - Labib An Kreol Seselwa

⁵ Ofer lofrann remersiman avek dipen leve. Proklanm bann lofrann, devan pep Izrael! Sanmenm ki zot kontan! Senyer BONDYE ki deklare.

Amos 4:5 Referans Kwoze

Oze 9:10

Mon ti trouv pep Izrael konmsi zot ti rezen dan dezer. Mon ti war zot zanset konmsi ti bann premye fig lo pye. Me zot ti al ver Baal-Peor. Zot ti konsakre zot avek en lobze laont, zot in vin degoutan parey sa bann lobze ki zot kontan.

Psonm 81:12

Alor, mon ti les zot avek zot leker dir, pour zot fer koman zot oule.

Matye 6:2

Donk, kan ou fer lomonn, pa bezwen fer tapaz pour atir latansyon, parey bann ipokrit i fer dan sinagog e dan semen. Zot fer sa pour ganny felisite. Mon dir zot, sa i laverite: Sa dimoun in deza ganny son rekonpans.

Oze 9:1

Izrael, pa bezwen rezouir! Aret selebre parey lezot nasyon. Ou'n tonm dan prostitisyon lwen avek ou Bondye e ou'n pran larzan partou kot ou bat dible.

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.

Matye 23:23

Maler lo zot profeser Lalwa ek Farizyen! Bann ipokrit! Zot donn Bondye en dizyenm parti serten plant tel ki lanmant, legim ek zepis, me zot negliz sa ki pli enportan dan Lalwa, tel ki lazistis, konpasyon ek fidelite. I neseser ki zot fer tousala, me san negliz leres.

Matye 15:9

Zot ladorasyon i initil. Zot ansenny bann komannman ki'n ganny fer par zonm!”

Levitik 23:17

Zot ava anmenn pour rityel prezantasyon sorti kot zot, de dipen fer avek trwa kilo lafarin meyer kalite e kwi avek lelven. Sa i ava premye lofrann dipen pour SENYER.

Zeremi 7:9

Zot vole, zot fer krim, zot komet adilter, zot fer fo serman, zot ofer sakrifis Baal, e zot ador bann bondye ki zot pa konnen.

Zeremi 7:10

Apre tousala, zot vin prezant zot devan mwan, dan sa tanp ki'n ganny konsakre pour mwan e zot dir: Nou'n ganny delivre! Sa i zis pour zot kapab kontinyen fer sa bann aksyon degoutan.

Amos 5:21

Mon deteste zot bann pelrinaz; Mon pa siport zot bann rasanbleman. Mon nepli kapab siport zot bann rasanbleman.

Amos 5:22

Mon pa pou aksepte bann sakrifis konplet ek bann lofrann ki zot ofer mwan. Mon pa pou aksepte zot sakrifis lape ek bann zannimo gra ki zot ofer mwan.

Ezai 1:1

Vizyon ki Ezai, garson Amoz ti war konsernan rwayonm Zida ek lavil Zerizalenm dan bann lepok ki Ozyas, Zotanm, Akaz ek Ezekyas ti lerwa Zida.

Ezai 1:11

SENYER i'n deklare: Ki mon annan pour fer avek tou zot kantite sakrifis? Mon'n ganny ase avek sakrifis konplet bann mouton mal e avek lagres bann zannimo ki'n ganny angrese; ni disan toro, ni disan zenn mouton, ni disan bouk pa fer mwan plezir.