Amos 3:9 - Labib An Kreol Seselwa

⁹ Al anons dan bann pale Asdod e dan bann pale Lezip: Rasanble zot lo bann montanny Samari, zot ava war bann gran dezord ek vyolans ki pe ganny komet se li.

Amos 3:9 Referans Kwoze

Amos 4:1

Bann fanm dan montanny Samari, ki gra parey bann vas Basann, ekout sa parol: Zot ki maltret dimoun ki feb, ki kraz bann pov, e ki dir zot mari anmenn keksoz pour bwar,

Amos 6:1

Maler lo zot ki viv trankilman dan Siyon, e ki krwar zot an sekirite dan montanny Samari! Zot bann elit parmi bann nasyon, ver ki bann Izraelit i tournen!

Amos 1:8

Mon pou detri bann zabitan Asdod; mon pou fer disparet lerwa Askelonn; mon pou tourn mon lanmen kont pep Ekronn, e leres bann Filisten pou disparet. Senyer BONDYE ki'n deklare. Kont bann Fenisyen

Amos 8:6

Nou ava kapab aste dimoun feb pour larzan e bann ki pov, pour pri en per sandal. Nou ava kapab vann menm restan dible.

Zeremi 50:2

Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Zeremi 31:5

Ou pou replant pye rezen dan bann kolin Samari; bann planter pou manz prodwi zot plantasyon.

1 Samyel 5:1

Bann Filisten ti'n sezi Kof lalyans Bondye; zot ti'n sorti Eben-Ezer avek e anmenn li Asdod.

Ezekyel 37:22

Mon pou fer zot vin en sel nasyon dan sa pei, dan bann montanny Izrael; zot ava annan en sel lerwa pour zot tou; zot pou nepli form de nasyon; zot pou nepli divize an de rwayonm.

Ezekyel 36:8

Me zot, montanny Izrael, zot pye dibwa pou bourzonnen e raport fri pour mon pep Izrael. Byento sa pou arive.

Zeremi 46:14

Al anons sa nouvel dan bann lavil Lezip, dan Migdol, Menmfis, Tafanes: Debout! Met zot pare; akoz lager in deza detri zot vwazen!

2 Samyel 1:20

Pa anons sa dan pei Gat; pa pibliy sa nouvel dan bann semen Askelonn pour ki bann fiy Filisten, pa rezouir, e ki fiy bann non sirkonsi pa fet laviktwar.

Amos 5:11

Zot in kraz dimoun pov, zot in pran pardfors en parti zot rekolt. Pour sa rezon, zot pa pou viv dan bann lakaz fer avek ros taye e ki zot in konstri. Zot pa pou bwar diven sorti dan zot bann plantasyon rezen.

Proverb 1:13

Nou pou dekouver en kantite lobze presye. Nou pou ranpli nou lakaz avek piyaz lager.

Proverb 11:16

En zoli fanm i ganny onore; zonm for i ganny zis larises.

Eklezyas 4:1

Mon'n war tou bann eksplwatasyon imen ki egziste anba soley. Kriye bann ki ganny kraze e napa personn pour ed zot. Pouvwar i dan kote bann ki pe dominen e napa personn pour sekour zot

Oze 7:1

Kan mon oule geri pep Izrael, mon war bann fot Efraim ek bann krim Samari: Zot malonnet; zot en bann voler ki kas lakaz; bann bandi ki vole dan semen.

Amos 6:3

Ou krwar ou kapab fer rekile sa zour maler; me ou pe zis apel renny lavyolans.

Mise 6:10

Eski mon kapab kontinyen siport sa bann trezor malaki, sa bann mezir fose e modi dan lakaz bann malfeter?