Amos 3:8 - Labib An Kreol Seselwa

⁸ Kan en lyon i kriye, lekel ki pa pou per? Kan Senyer BONDYE in koze lekel ki oze pa anons son mesaz?

Amos 3:8 Referans Kwoze

Akt de Zapot 4:20

Kanta nou, nou pa kapab aret koz lo sa ki nou'n war e tande.”

Amos 3:4

Eski en lyon i kriye dan lafore si i pa ankor atrap nanryen pour manze? Eski en zenn lyon i gronnyen dan son trou si i pa'n atrap nanryen?

Zeremi 20:9

Si mon dir dan mwan menm: Mon ava oubliy SENYER, e mon pou nepli koz lo son non, ou parol i vin parey en dife ki brile dan mwan. Mon esey tou pour reziste, me mon pa kapab.

Amos 1:2

Amos ti dir: SENYER i kriye depi Siyon, e i fer antann son lavwa depi Zerizalenm. I annan dezolasyon dan laplenn. Latet montanny Karmel i sek.

Revelasyon 5:5

Alor, enn parmi bann ansyen ti dir mwan: Pa plere! La Lyon Tribi Zida, desandan David. In ganny laviktwar pour kas sa set sele e ouver sa liv.

1 Korentyen 9:16

Pa akoz mon anons Bonn Nouvel ki mon annan rezon vant mon lekor, akoz sa i en lobligasyon pour mwan. Maler pour mwan si mon pa anons Bonn Nouvel!

Amos 2:12

Me ou'n fer zot bwar diven alor ki zot pa ti devre bwar, e anpes bann profet koz lo mon non.

Akt de Zapot 5:29

Pyer avek lezot zapot ti reponn, “Nou devre obei Bondye plito ki zonm.

Akt de Zapot 5:20

“Ale! Met zot debout dan Tanp e anons lepep sa mesaz konsernan sa nouvo Lavi.”

Ezai 31:4

La sa ki SENYER ti dir mwan: Ler en lyon oubyen son piti i gronnyen pour gard sa zannimo ki i'n atrape; ler bann berze i vir kont li, i pa fatig li avek zot kriye, ni trakas li. La ki mannyer SENYER liniver pou desann, pour lager lo montanny Siyon e son kolin.

Ezekyel 29:21

Kan sa zour i arive, mon pou donn pep Izrael nouvo lafors; mon pou ouver ou labous pour ou kapab koz ankor parmi zot. Alor, zot ava konnen ki mwan menm SENYER.

Ezai 21:10

Ou mon pep ki'n ganny bate parey dible an plenner, mon'n fer anons zot sa ki mon'n tande, sorti kot SENYER liniver, Bondye Izrael.

Zeremi 26:12

Alor, Zeremi ti reponn bann sef ek lepep antye, “SENYER ki'n anvoy mwan anons tou sa ki zot in antann mwan dir kont sa tanp e kont Zerizalenm.