Amos 1:12 - Labib An Kreol Seselwa

¹² Alor, mon pou met en dife dan Temann, e i pou detri bann pale Bosra. Kont bann Amonit

Amos 1:12 Referans Kwoze

Zeremi 49:20

Alor, ekout proze ki SENYER in fer kont bann zabitan Edonm, e bann plan ki i'n prepare kont bann zabitan lavil Temann. Menm bann zanfan pou ganny trennen deor, parey zannimo; e tou dimoun pou reste soke.

Zeremi 49:7

Konsernan Edonm, la sa ki SENYER liniver i deklare: Eski nepli annan dimoun saz dan Temann? Eski nepli annan okenn konseye parmi bann zonm pridan? Eski tou zot lasazes in koronpi?

Zeremi 49:22

Lennmi pour atak Bosra parey en leg ki desann avek son lezel gran ouver. Sa zour la, bann meyer gerye Moab pou per parey en fanm ki dan douler lanfantman.

Zeremi 49:13

SENYER i deklare: Mon fer sa serman: Lavil Bosra pour vin en sit degoutan, en ta debri. I pou vin en proverb malediksyon, en mokri. Tou bann vilaz dan zanviron pour ganny devaste pour touzour.

Ezai 34:6

Lepe SENYER i kouver avek disan e avek lagres; avek disan bann zenn mouton ek bann bouk; avek lagres ronnyon bann mouton. SENYER in ofer en sakrifis dan Bosra; en masak terib dan pei Edonm.

Zenez 36:33

Bela ti mor, e Yobab, garson Zera, ki sorti Bosra, ti vin lerwa dan son plas.

Zenez 36:11

Bann garson Elifaz: Temann, Omar, Sefo, Gatanm, ek Kenaz.

Ezai 34:5

Mon lepe in aparet dan lesyel; i pou desann lo bann Edomit, lo sa pep ki mon'n kondannen pour destriksyon.

Ezai 63:1

Lekel sa enn ki pe vini sorti Edonm, sa enn ki sorti lavil Bosra, abiye dan lenz avek tas disan lo la? Lekel sa enn ki'n abiye dan zoli lenz, ki pe aprose avek lafyerte, avek lasirans dan son lafors? Se mwan menm sa enn ki rann lazistis, ki sov avek pwisans.

Ezekyel 25:13

la sa ki Senyer BONDYE i deklare: Mon pou pran aksyon kont Edonm; mon pou ekstermin imen koman zannimo; mon pou devaste sa pei e masakre son zabitan par lager depi Temann ziska Dedann.

Abdyas 1:1

Vizyon Abdyas. La sa ki Senyer BONDYE i dir lo size Edonm: Senyer BONDYE i anvoy son mesaze kot bann nasyon e nou'n antann son mesaz: Annou met nou pare! Annou al atak Edonm!

Habakouk 3:3

Bondye i sorti Temann! Bondye sen i sorti dan montanny Parann! Son laglwar i kouver lesyel e son louanz i ranpli later!

1 Kronik 1:44

Bela ti mor, Yobab, garson Zera ki sorti Bosra, ti renny dan son plas.