Agze 2:6 - Labib An Kreol Seselwa

⁶ La sa ki SENYER liniver i deklare: Dan ankor en pti pe letan, mon pou fer tranble lesyel ek later, lanmer ek later ferm.

Agze 2:6 Referans Kwoze

Ezai 10:25

Akoz dan en pti pe letan, mon pou aret ankoler kont ou e mon pou detri zot.

Akt de Zapot 2:19

Mon pou fer bann mervey lao dan lesyel e bann siny mirakile anba lo later. Pou annan disan, dife, ek en nyaz lafimen.

Zoel 3:16

SENYER i kriye depi Siyon; i fer tande son lavwa depi Zerizalenm. Lesyel ek later i tranble. Me SENYER i en labri pour son pep, en proteksyon pour Izrael.

Ezai 29:17

Eski dan en pti pe letan, Liban pa pou vin en plantasyon avek en kantite pye fri; plantasyon pye fri pou vin en lafore?

Ebre 10:37

Parey Lekritir i deklare: Ankor en pti pe letan, en pti pe menm, sa enn ki pe vini pou arive, i pa pou tarde.

Ezekyel 38:20

Pwason dan lanmer, zwazo dan lezer, bann zannimo sovaz, sa ki ranpe lo later, tou bann imen, pou tranble devan mon prezans. Montanny pou afese, ros dan montanny pou degrengole, tou miray pou degrennen.

Zeremi 51:33

Annefe, la sa ki SENYER liniver, Bondye Izrael i deklare: Byento Babilonn pou ganny kraze parey en ta dible ki pe al ganny pile. Letan pour rekolte in arive.

Ezai 34:4

Tou bann larme lesyel pe pouri. Lesyel in roul roule parey en liv. Tou son larme pou grennen parey fey rezen ki'n fletri, oubyen parey fey fig ki'n fletri.

Psonm 37:10

Dan ankor en pti pe letan, bann malfeter pou disparet. Ou pou rod zot kot zot ti ete, me zot pou nepli la.

Revelasyon 11:9

Pandan trwa zour edmi, dimoun sorti dan tou pep, tou tribi, tou lalang ek tou nasyon pou get zot kadav. Pourtan, zot pou refize les zot ganny antere.

Liv Zob 9:6

I fer later tranble lo son fondasyon. I fer li balanse lo son bann pilye.

Psonm 18:7

Alor, later ti tranble e ganny sekwe; bann fondasyon montanny ti osi tranble. Zot ti osi sekwe, akoz SENYER ti'n ankoler.

Ezai 2:19

Al dan bann kavern ros e dan bann trou anba later, lwen avek lakoler SENYER, e laglwar son mazeste, ler i pou leve pour sekwe later.

Ezai 13:13

Alor, mon pou fer lesyel tranble. Later pou ganny sekwe lo son fondasyon devan lakoler SENYER liniver, dan sa zour terib.

Zeremi 33:14

La sa ki SENYER i deklare: Sa bann zour pe vini, kan mon pou akonpli sa promes ki mon ti fer avek pep Izrael e avek pep Zida.

Ezekyel 38:19

Mon deklare dan mon zalouzi e dan mon gran lakoler, sa zour pou anmenn en gran sekous dan pei Izrael: