Agze 2:22 - Labib An Kreol Seselwa

²² Mon pe al fer tonbe bann lerwa e detri pwisans bann rwayonm lo later. Mon pou detri bann gerye avek zot kales lager ek zot bann kavalye. Bann kavalye pou masakre kanmarad.

Agze 2:22 Referans Kwoze

Mise 5:10

SENYER i deklare: La sa ki pou arive sa zour: Mon pou detri ou bann seval ek ou bann kales lager.

Ziz 7:22

Pandan ki sa 300 zonm ti pe soufle tronpet, SENYER ti fer ki partou dan kan, zot ti tourn zot lepe kont kanmarad. Zot tou, zot ti sove ziska Bet-Sita, dan direksyon Serera, ziska frontyer avek Abel-Mehola, pre avek Tabat.

Matye 24:7

akoz nasyon pou lager kont nasyon, rwayonm kont rwayonm. Pou annan lafanmin ek tranblemandter dan plizyer landrwa.

Zakari 10:11

Zot pou travers lanmer Lezip; pou nepli annan gro laroul. Larivyer Nil pou sek ziska dan son profonder. Asiri pou ganny imilye; Lezip ki pwisan, pou perdi son pouvwar.

Zakari 4:6

I ti dir mwan, “La parol SENYER pour Zorobabel: Pa par pwisans, ni par lafors, me par mon lespri, SENYER liniver ki deklare.

Sofoni 3:8

La sa ki SENYER i deklare: Esper mwan! Espere zour mon leve pour akiz zot. Mon'n deside rasanble bann nasyon, bann rwayonm, pour fer zot santi pwa mon gran lakoler. Mon pou detri pei antye par dife mon lakoler terib.

Mise 5:15

Apre, avek en gran lakoler, mon pou tir vanzans lo bann nasyon ki pa'n obei mwan.

Ezekyel 39:20

Dan sa gran repa, zot pou manz ziska zot rasazye: Seval ek son kavalye, solda ek toudsort konbatan. Senyer BONDYE ki'n deklare.

Psonm 46:9

I fer lager arete partou lo later; i kas bann fles, i detri bann lans; i met dife dan bann boukliye.

Danyel 8:25

Par riz, i pou reisi tronp bokou. Leker ranpli avek larogans, i pou touy bokou dimoun ki ti krwar zot an sekirite. I pou dres li kont lerwa tou bann lerwa. Me i pou ganny detri, san okenn lentervansyon imen.

Psonm 76:6

Bondye Zakob! Kan ou ti menas zot, bann kavalye ek zot seval ti tonm san konnesans.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Zakari 14:3

Alor, SENYER pou sorti e konbat sa bann nasyon, parey i fer sak fwa i al lager.

Zakari 9:10

I pou detri kales lager dan Efraim e seval lager dan Zerizalenm. Bann fles lager pou ganny detri e i pou proklanm lape pour bann nasyon. Son pouvwar pou al depi en kote lanmer ziska lot, depi larivyer Efrat ziska dan bout later.

Mise 5:8

Alor, parmi bann nasyon nonbre, leres desandan Zakob, pou koman en lyon parmi bann zannimo lafore, parey en zenn lyon dan en troupo mouton. Partou kot i pase, i kraz e desir son bann viktim, san ki personn i kapab vin delivre zot.

Ezekyel 21:27

Larin! Larin! Larin! Mon pou fer sa lavil tonm anrin! Tou in deza sanze: Me pa avan ki sa enn ki posed zizman i arive, avek ki mon pou remet li sa pouvwar.

Ezai 60:12

Sa nasyon ek sa rwayonm ki pa aksepte servi ou, pou ganny detri. Sa bann nasyon pou konpletman disparet.

Ezai 19:2

Mon pou fer bann Ezipsyen lager antre zot, vwazen kont vwazen, lavil kont lavil, rwayonm kont rwayonm.

Ezai 9:19

Akoz lakoler SENYER liniver, pei in ganny brile; son prop pep in pran dife; personn pa pe pran pitye pour son prosen.

2 Kronik 20:22

Ler bann santer ti konmans sante, loue SENYER avek aklamasyon, SENYER ti mont en latak kont bann Amonit, bann Moabit ek bann Edomit ki ti'n vin atak Zida; zot ti ganny bate.

1 Samyel 14:16

Bann gard Sail depi Gibea dan teritwar Benzamen, ti war lafoul dimoun pe fannen partou dan tou kote.

Egzod 15:19

Bann seval Faraon, son bann kales lager ek son bann kavalye ti koule dan lanmer. SENYER ti fer lanmer retourn lo zot, me pep Izrael ti mars lo later ferm atraver lanmer.

Egzod 14:28

Delo ti retournen e kouver bann kales lager, bann kavalye ek larme Faraon ki ti'n antre dan lanmer, deryer bann Izraelit. Pa ti reste en sel parmi zot.

Egzod 14:17

Mon pou andirsi leker bann Ezipsyen pour fer zot swiv deryer. Mon pou montre zot mon grander atraver Faraon, tou son larme, son bann kales lager ek son bann kavalye.

Egzod 15:4

I'n zet dan lanmer, kales lager Faraon ek son larme. Son bann vayan kavalye in anfons dan lanmer Rouz.

2 Kronik 20:23

Bann Amonit ek bann Moabit ti atak bann Edomit dan rezyon montanny Seir e detri zot konpletman. Apre, kan zot ti'n fini avek bann Edomit, zot ti lager ant zot e masakre kanmarad.

Ezekyel 26:16

Tou bann lerwa dan rezyon lakot pou kit zot tronn. Zot pou kit zot rob ek zot lenz brode. Zot pou tranble avek gro lafreyer; zot pou asiz ater dan lafreyer e zemir lo ou sor.

Ezekyel 38:21

Mon pou anvoy lager kont Gog dan tou mon bann montanny. Senyer BONDYE ki deklare. Zot pou touy kanmarad.

Amos 2:15

Bann tirer fles pa pou kapab reziste; sa pli bon atlet pa pou kapab sape; bann kavalye pa pou kapab sov zot lavi.

Mise 7:16

Bann nasyon pou war sa e zot pou onte malgre zot gran lafors. Zot pa pou konnen ki pou dir e fer konmsi zot pa tande.

Zakari 10:5

Ansanm, zot pou parey bann konbatan dan lager. Lo semen, zot pou kraz lennmi dan labou; zot pou konbat, akoz SENYER pou avek zot e zot pou imilye bann kavalye.

2 Kronik 15:6

En pei ti kraz en lot pei, en lavil ti kraz en lot lavil, Bondye ti sekwe zot par tou bann kalite maler.

Mise 5:9

SENYER i deklare: Ou pou lev lanmen kont ou bann ladverser e tou ou bann lennmi pou ganny detri.

Zakari 12:9

Sa zour, mon pou fer tou pou detri tou bann nasyon ki vin atak Zerizalenm.