Agze 1:1 - Labib An Kreol Seselwa

¹ Premye zour, sizyenm mwan, dan dezyenm lannen ki Dariis ti lerwa Lapers, SENYER liniver ti adres profet Agze en mesaz pour gouverner rezyon Zida, Zorobabel, garson Sealtiel, e pour Gran-Pret Zozye, garson Yosadak.

Agze 1:1 Referans Kwoze

Esdras 2:2

Zot ti retourn ansanm avek Zorobabel, Zozye, Nehemi, Seraya, Reelaya, Mardose, Bilsann, Mispar, Bigvai, Rehoum ek Baana. La lalis bann zonm ki form bann group dan pep Izrael:

Esdras 3:8

Pandan dezyenm lannen, apre ki zot ti'n retourn Zerizalenm kot tanp Bondye, dan dezyenm mwan, Zorobabel, garson Sealtiel, Zozye, garson Yosadak, avek leres zot bann frer bann pret ek levit ek tou bann ki ti'n retourn Zerizalenm sorti annegzil, zot ti konmans travay. Zot ti donn sa responsabilite bann levit aze 20 an, an montan pour sirvey bann travay lo tanp SENYER.

Esdras 3:2

Zozye, garson Yosadak, ansanm avek son bann konfrer pret ek Zorobabel, garson Sealtiel avek tou son bann fanmir ti konmans rekonstri lotel Bondye Izrael pour zot ofer sakrifis konplet dapre Lalwa Moiz, serviter Bondye.

Agze 2:10

Vennkatriyenm zour, nevyenm mwan, dan dezyenm lannen ki Dariis ti lerwa, SENYER liniver ti koz avek li par lentermedyer profet Agze:

Agze 1:12

Alor Zorobabel, garson Sealtiel, ek Gran-Pret Zozye, garson Yosadak, ansanm avek leres pep ki'n retournen sorti legzil, ti obei sa ki SENYER zot Bondye ti demann zot fer, par lentermedyer profet Agze. Lepep ti annan en gran respe pour SENYER.

Nehemi 7:7

Zot ti retourn ansanm avek Zorobabel, Zozye, Nehemi, Azarya, Raamya, Nahamani, Mardose, Bilsann, Misperet, Bigvai, Nehoum ek Baana. La lalis bann zonm parmi pep Izrael dan sak group:

Agze 1:14

Alor, SENYER ti fortifye lespri Zorobabel, gouverner provens Zida, garson Sealtiel e avek lespri Zozye, garson Gran-Pret Yosadak, ansanm avek leres lepep. Zot ti vin travay pour rekonstri tanp zot Bondye, SENYER liniver.

Esdras 6:14

Bann ansyen parmi bann Zwif ti konstri avek sikse, dapre parol profet Agze ek Zakari, garson Ido. Zot ti fini zot travay restorasyon dapre lord Bondye Izrael e dapre lord bann lerwa Lapers: Siris, Dariis ek Artakzerzes.

Agze 2:20

Sa menm zour, vennkatriyenm zour, nevyenm mwan, SENYER ti koz avek Agze pour en dezyenm fwa:

Agze 2:4

Alor, la sa ki SENYER i deklare: Pran kouraz, Zorobabel! Pran kouraz, Gran-Pret Zozye, garson Yosadak! Pran kouraz zot tou ki dan sa pei! Konmans travay. SENYER liniver ki deklare,

Nehemi 12:10

Zozye ti papa Yoyakim, Yoyakim ti papa Eliasib, Eliasib ti papa Yoyada,

Nehemi 12:1

La bann pret ek bann levit ki ti retourn avek Zorobabel, garson Sealtiel, e avek Zozye: Seraya, Zeremi, Esdras,

Nehemi 8:9

Gouverner Nehemi, pret e skrib Esdras, ek bann levit ki ti pe ansennyen, ti dir lepep antye, “Sa zour i sakre pour SENYER, zot Bondye. Pa bezwen port dey ni plere.” Annefe, lepep antye ti pe plere ler zot ti pe ekout parol lalwa.

Nehemi 5:14

Depi zour ki lerwa ti etabli mwan koman zot gouverner dan pei Zida, depi ventyenm ziska tranndezyenm lannen renny lerwa Artakzerzes, pandan 12 an, ni mwan, ni okenn mon bann frer ti viv lo depan sa ki gouverner ti ganny.

Esdras 4:24

Alor, travay rekonstriksyon tanp dan Zerizalenm ti arete. Sa ti dire ziska dezyenm lannen renny Dariis, lerwa Lapers.

Esdras 4:2

Zot ti apros Zorobabel ek bann sef lafanmir pour dir zot, “Nou ava konstri sa tanp ansanm avek zot. Annefe, nou ador menm Bondye parey zot. Nou ofer li bann sakrifis depi lepok Asaradon, lerwa Asiri ki ti deport nou isi.”

Esdras 2:63

Gouverner ti ordonnen ki zot pa manz bann manze sakre, ziska ki en pret i konsilte Ourim ek Toumim.

Esdras 1:8

Siris, lerwa Lapers, ti fer Mitredat ki ti trezorye lerwa, tir tousala, konte e livre zot avek Sesbasar, en sef dan Zida.

1 Kronik 3:19

Bann garson Pedaya: Zorobabel ek Simei. Garson Zorobabel: Mesoulanm ek Hananya: Selomit zot ser.

1 Kronik 3:17

Bann garson prizonnyen Yekonya: Sealtiel son garson,

2 Rwa 14:25

I ti retabli bann frontyer Izrael depi lantre Amat ziska lanmer Araba, dapre parol SENYER, Bondye Izrael, ki i ti dir par lentermedyer son profet Zonas, garson Amitai, profet Gat-Hefer.

1 Rwa 14:18

Zot ti anter li e Izrael antye ti fer lamantasyon, dapre parol ki SENYER ti'n dir par lentermedyer son serviter, profet Ahiya.

Levanzil dapre Lik 3:27

garson Yoanann, garson Reza, garson Zorobabel, garson Salatyel, garson Neri,

Egzod 4:13

Moiz ti dir, “Pardon, SENYER! Mon sipliy ou anvoy en lot dimoun ki oule.”

1 Rwa 10:15

San kont sa ki i ti gannyen dan komers avek bann marsan, bann lerwa etranze ek bann gouverner pei.

Esdras 5:1

Apre sa, profet Agze ek profet Zakari, garson Ido, ti koz avek bann Zwif ki ti dan Zida e Zerizalenm lo non Bondye Izrael, zot Bondye.

Esdras 5:3

Anmenmtan, Tatenai, gouverner provens lo lot kote larivyer, Setar-Boznai ek zot bann asosye ti vin demann zot, “Lekel ki'n donn zot lord pour rekonstri sa tanp e repar bann miray?”

Esdras 10:18

Parmi bann pret, ti annan ki ti'n marye avek fanm etranze: Bann garson Zozye, garson Yosadak, ek son bann frer, Maseya, Eliezer, Yarib, ek Gedalya.

Agze 1:2

La sa ki SENYER liniver i deklare: Sa pep i dir letan pa ankor arive pour mon tanp ganny rekonstri.

Agze 1:3

Alor, parol SENYER ti arive par lentermedyer profet Agze:

Agze 2:21

Koz avek Zorobabel, gouverner provens Zida, garson Sealtiel. Dir li: Mwan SENYER liniver, mon pou fer tranble lesyel ek later.

Malasi 1:8

Kan zot ofer sakrifis zannimo aveg, eski sa i byen? Kan zot ofer zannimo andikape oubyen malad, eski zot krwar napa nanryen mal ladan? Esey donn sa ou gouverner. Eski sa pou fer li plezir e i ava rekonpans zot? SENYER liniver ki deklare.

Agze 1:15

Sa ti ariv vennkatriyenm zour, sizyenm mwan, dan dezyenm lannen ki Dariis ti lerwa Lapers.

Zakari 1:1

Wityenm mwan, dan dezyenm lannen ki Dariis ti lerwa Lapers, SENYER ti koz avek profet Zakari, garson Berekya, garson Ido:

Zakari 3:1

Apre sa, SENYER ti fer mwan war Gran-Pret Zozye ki ti pe debout devan lanz SENYER. Satan ti pe debout lo son kote dwrat pour akiz li.