2 Timote 1:8 - Labib An Kreol Seselwa

⁸ Pa bezwen onte pour temwanny an faver nou Senyer, ni an mon faver, mwan ki son prizonnyen. O kontrer, aksepte pour soufer avek mwan pour Bonn Nouvel an kontan lo pwisans Bondye.

2 Timote 1:8 Referans Kwoze

Romen 1:16

Mon pa onte pour anons Bonn Nouvel. Annefe, i en pwisans ki Bondye i servi pour sov tou dimoun ki krwar: Dabor bann Zwif, answit bann non-Zwif.

Mark 8:38

Annefe, sa enn ki onte akoz mwan ek mon bann parol parmi sa zenerasyon adilter, ranpli avek pese, Fis-de-Lonm osi pou onte pour li, kan i pou vini dan mazeste son Papa avek bann lanz sen.”

2 Timote 4:5

Me ou, kontrol ou dan tou sirkonstans; siport lasoufrans, fer ou travay koman predikater Bonn Nouvel, e ranpli ou devwar dan servis Bondye.

Revelasyon 12:11

Par disan Zenn Mouton e par zot temwannyaz, zot in ganny laviktwar lo li. Zot in aksepte donn zot lavi ziska lanmor.

2 Timote 2:9

Se pour sa Bonn Nouvel ki mon pe soufer e menm ganny ansennen koman en bandi. Me Parol Bondye pa ganny ansennen.

2 Timote 1:12

Pour sanmenm sa rezon ki mon pe soufer. Me mon pa onte, akoz mon konnen dan ki mon'n met mon konfyans. Mon osi sir ki i kapab gard sa ki i'n konfye mwan ziska sa Zour.

Efezyen 3:1

Pour sa rezon, mwan Pol, mon prizonnyen Zezi-Kri pour zot, bann non-Zwif.

Filipyen 3:10

Annefe, tou sa ki mon dezire, se konn Kris ek pwisans son rezireksyon; partisip dan son bann soufrans, pour vin parey li dan son lanmor,

Levanzil dapre Lik 9:26

Annefe, sa enn ki onte akoz mwan ek mon parol, Fis-de-Lonm osi pou onte kont li, kan i pou vini dan son mazeste e dan laglwar son Papa ek son bann lanz sen.

2 Timote 1:16

Mon demann Bondye montre son labonte pour lafanmir Onezifor akoz i'n souvan rekonfort mwan. I pa'n onte akoz mon dan prizon.

Efezyen 4:1

Mwan ki prizonnyen, akoz mon dan servis Senyer, mon sipliy zot: Viv zot lavi dapre sa lapel ki Bondye in fer zot.

Revelasyon 1:9

Mwan menm Zan, zot frer, ki'n partisip dan soufrans, dan rwayote, e ki'n andire avek pasyans, ini avek Zezi. Mon ti annegzil lo zil Patmos, akoz Parol Bondye ek temwannyaz Zezi.

Let Zid 1:24

Pour sa enn ki anpes zot tonbe; ki kapab fer zot konparet san fot e dan lazwa devan son prezans glorye;

1 Pyer 1:5

Sa bann byen i pour zot, ki, par lafwa, in ganny garde par pwisans Bondye, ziska ki delivrans i arive, pare pour ganny revele dan lafen letan.

2 Timote 2:3

Koman en bon solda Zezi-Kri, pran ou par soufrans.

1 Tesalonisyen 3:4

Annefe, kan nou ti kot zot, nou ti anons zot ki nou ti pou ganny persekite. Parey zot konnen, sanmenm sa ki'n arive.

Filipyen 1:7

I normal ki mon annan en tel santiman anver zot tou. Annefe, zot tou, zot annan en plas spesyal dan mon leker. Zot tou, zot partisip dan sa don ki Bondye in akord mwan, ozordi ki mon dan prizon, parey yer, kan mon ti pe defann Bonn Nouvel e anons li avek kouraz.

Efezyen 3:13

Alor, mon demann zot pa bezwen dekouraze akoz bann soufrans ki mon pe andire pour zot tou: I pour zot prop laglwar.

Romen 16:25

Aprezan, annou rann glwar sa enn ki annan pouvwar pour rann zot for dapre Bonn Nouvel e dapre Zezi-Kri ki mon pe anonse, dapre revelasyon mister Bondye ki'n reste sekre pandan lontan.

1 Zan 4:14

E nou, nou'n war e nou proklanmen ki Bondye Papa in anvoy son Garson koman Sover lemonn.

2 Timote 4:17

Me Senyer in ed mwan e i'n fortifye mwan. Konmsa, mon'n kapab anons son mesaz e fer tou bann nasyon tande e ganny delivre dan lagel lyon.

Filipyen 4:13

Mon kapab fer fas avek tou difikilte gras a Kris ki donn mwan lafors.

Romen 9:33

Annefe, Lekritir i dir: La mon plas dan Siyon, en ros ki fer dimoun tonbe. En ros ki fer zot tonbe. Sa enn ki krwar dan li pa pou dezapwente.

Akt de Zapot 5:41

Bann zapot ti kit lasal Konsey, byen kontan, ki zot ti'n ganny konsidere diny pour ganny maltrete pour sa non Zezi.

Revelasyon 19:10

Alor, mon ti tonm ater dan son lipye pour ador li, me i ti dir mwan: Non, pa fer sa! Mon en serviter parey ou ek ou bann frer ki gard temwannyaz Zezi. Ador Bondye. Annefe, temwannyaz Zezi i lespri profesi.

Revelasyon 1:2

Zan in servi koman temwen. I'n anons mesaz Bondye ek temwannyaz Zezi-Kri lo tou sa ki i'n war.

1 Korentyen 1:6

Ensi, temwannyaz lo Kris in ganny byen etabli parmi zot.

Levanzil dapre Zan 19:35

Sa enn ki pe rakont sa bann levennman, ti war li menm e sa ki i rakonte i vre. I konnen ki i pe dir laverite pour ki zot osi, zot krwar.

Psonm 119:46

Mon pa pou onte fer konnen ou bann lord devan bann lerwa.

Kolosyen 1:24

Aprezan, mon trouv mon lazwa dan bann soufrans ki mon pe pas atraver pour zot. Par mon bann soufrans fizik, mon pe kontinyen konplet soufrans lekor Kris, setadir, Legliz.

Efezyen 4:17

Mon sipliy zot lo non Senyer: Aret viv koman sa bann ki pa konn Bondye. Zot mannyer reflesir pa vo nanryen.

2 Korentyen 6:7

par nou parol laverite, par pwisans Bondye. Nou zarm latak ek defans, se fer sa ki zis devan Bondye.

Romen 8:36

Lekritir i deklare: Akoz ou, nou pe ganny met anmor tou le zour. Nou ganny trete parey mouton ki pe al ganny egorze labatwar.

Levanzil dapre Zan 15:27

Zot osi, zot ava mon bann temwen, akoz zot in avek mwan depi o konmansman.”

Ezai 51:7

Ekout mwan! Ou ki konn lazistis! Ou sa pep ki gard mon lansennyman dan ou leker! Pa bezwen per repros ki sorti kot zonm. Pa bezwen tranble ler zot ensilte ou,

Psonm 19:7

Lalwa SENYER i parfe, i restor lavi. Tou bann regleman SENYER i sir. I donn lasazes sa enn ki senp.

1 Timote 2:6

ki'n donn son lavi pour liber tou bann imen. Dan letan fikse, in anmenn laprev ki Bondye i oule ki tou bann imen i ganny sove.

Kolosyen 1:11

Nou demann Bondye pour fortifye zot par pwisans son mazeste, pour ki zot ava kapab siport tou avek pasyans.

Ezai 8:20

Konsilte lalwa ek bann temwannyaz! Si zot pa pe eksprim dapre sa parol, Napa lespwar lalimyer en nouvo zour pour lepep.

2 Timote 1:10

Me aprezan, i'n manifeste sa lagras par laparisyon nou Sover, Zezi-Kri, ki'n detri pouvwar lanmor e ki par Bonn Nouvel, in revel nou lavi imortel.

2 Timote 2:8

Mazin Zezi-Kri, desandan David ki'n resisite parmi bann mor, parey Bonn Nouvel ki mon anonse.