1 Timote 5:8 - Labib An Kreol Seselwa

⁸ Sa enn ki pa pran swen son parante, sirtou son prop fanmir pros, i'n abandonn lafwa; i pir ki en non-krwayan.

1 Timote 5:8 Referans Kwoze

Galat 6:10

Alor, pandan ki nou annan lokazyon, annou fer dibyen tou dimoun, sirtou nou bann frer ek ser dan lafwa.

2 Korentyen 12:14

La pour en trwazyenm fwa mon pare pour mwan vin kot zot, e mon pa pour depann lo zot. Se zot ki mon manke, pa zot larzan. Annefe, i pa responsabilite bann zanfan pour met de kote larzan pour zot paran, me paran ki devre fer sa pour zot zanfan.

Ezai 58:7

Se kan ou partaz ou dipen avek sa enn ki lafen, abrit kot ou sa enn ki napa lakaz, kouver sa enn ki napa lenz pour met lo li, pa tourn ledo avek ou prop frer ki dan bezwen.

Let Pol pour bann Tit 1:16

Zot dir ki zot konn Bondye, me zot bann aksyon i prouv tou lekontrer. Zot detestab, dezobeisan e zot pa kapab fer nanryen ki bon.

Matye 7:11

Si zot, move koman zot ete, zot konn donn zot zanfan bann bon keksoz, a pli fort rezon zot Papa ki dan lesyel, ava donn bon keksoz sa bann ki demann li.

2 Timote 3:5

Zot pou fer sanblan ki zot fidel anver Bondye; me zot pou rezet son vre pwisans. Pa asosye ou avek bann dimoun parey.

Zenez 30:30

Avan mon ti vini, ou ti napa bokou. Depi ki mon la, ou'n ganny en kantite par mon lanmen. SENYER in beni ou. Kan eski mon pou travay pour mon prop fanmir?”

Revelasyon 3:8

Mon konn ou bann aktivite. La mon'n plas devan ou en laport ouver ki personn pa kapab fermen. Ou napa bokou lafors, e pourtan, ou'n obei mon parol e ou pa'n renye mon non.

Revelasyon 2:13

Mon konnen kot ou reste: Lanmenm la kot tronn Satan i ete. Ou'n reste fidel pour mon non, e ou pa'n renye ou lafwa dan mwan, menm dan lepok kan Antipas, mon temwen fidel, ti ganny touye kot ou, la kot Satan i reste.

2 Pyer 2:1

Parey ki ti annan bann fo profet parmi pep Izrael, pou osi annan bann fo ansennyan parmi zot. Sekretman, zot pou entrodwir bann fo doktrin destrikter. Zot pou menm renye zot Met ki'n sov zot. Zot pou menm atir destriksyon rapid lo zot.

Levanzil dapre Zan 15:22

Si mon pa ti'n vin koz avek zot, zot pa ti pou koupab pour zot pese. Me aprezan zot nepli annan okenn leskiz pour zot pese.

Let Zid 1:4

Annefe, i annan serten dimoun move ki'n antre sekretman parmi nou. Zot deform lansennyman konsernan lagras nou Bondye, pour zistifye zot lavi imoral. Zot rezet Zezi-Kri, nou sel Met e Senyer. Depi lontan, Lekritir in anons zot kondannasyon.

2 Korentyen 6:15

Ki mannyer Kris i kapab tonm dakor avek dyab? Ki relasyon i kapab annan ant en krwayan ek en non-krwayan?

Matye 18:17

Me si i refize ekout zot, dir tou avek Legliz. Si i refize ekout Legliz, ou ava konsider li koman en non-Zwif oubyen en kolekter taks.

1 Korentyen 6:6

Me en frer i al devan lakour kont enn son frer, e sa, devan en ziz non-krwayan!

2 Timote 2:12

Si nou persevere, avek li nou pou rennyen. Si nou rezet li, li osi i pou rezet nou.